Hero Club Hruainak In Camp Victoria Ah Christmas An Tuah Piak Hna

Hero Club Camp Victoria Tlawnlio/ Hero Club

TCP-Hakha| 2019 December 2| Hakha hrambunh Hero Club hruai nak in Fiakfairock Band le hawile kom hna tel in November 28-29, 2019 ah Chin National Front/Army umnak Camp Victoria ah Christmas lawmhnak le hlasaknak Concert tuahnak le zanriah dumtinak an va ngei pi hna tiah thawng kan theih.

Hi kong he pehtlai in Hero Club Secretary Bawi Tha Peng nih “miphun le ram caah nunnak pek in rian a tuanmi hna caah kan ti khawh tawk te kan rak tuah mi a si. Kanmah zeihmanh kan tuah khawh lo zongah miphun le ram a daw i pum aa pemi hna caah cun  kan si khawh tawk ten izuam cio usih tihi kan duhmi a si ko” tiah The Chinland Post ah a chim.

Hero Club members chungtel, cun Fiakfairock band le an hawi le pawl he cun minung (19) an kal kho. CNF Camp ah sianghleirun pawl ton caan he aa ton caah minung tam ngai he rawl dumtinak le hlasaknak an tuah ti kho tiah thawng kan theih.

Hero Club cu April 4, 2010 Hakha ah dirhmi a si ii chiatni caah bul pek le iizohkhenh hi an hmaithinh a si. Kumkhat voi khat Hakha mino fellowship caah HERO cup zong an tuah. Riantuannak caah member fee thlakhat voikhat cio thawh an si ii minung 20 leng he a cawlcang cuahmahmi bu a si.

Leave a Commnet

%d bloggers like this: