HIV Rungrul A Chawnh Ter Dihtu Siibawi Combodia Biaceih Zung Nih Kum 25 Thongthlak Ding Bia Chah

TCP-Thantlang|2019 October 8| Combodia ram ah khuami 200 leng hna sin ah hmancia mi sii chunhnak a thurhnawm mi in le HIV rungrul i chawnh dih hna seh ti lungput he Lisence ngeilo in sii a chunh tu siibawi pa cu Combodia beihzung sangbik nih thong kum 25 thlak ding in bia a khiah piak tiah kan theih.

Mah mipa cu a luancia 2015 December thla lio zongah Battambang khua biaceih zung nih Ye Chrin cu a fakbik mi hrmnka misin ah a tlun ter caah thong kum 25 thlak khawh nak upadi in bia an rak chah bal, cu lio ah mizaw 100 leng nih hi pa cu an report caah Ye Chrin nih mizaw pakhat cio sin ah dollar 500 in 3000 tiang liamhrulhnak pek ding zong biaceih zung nih bia a chah piak.

Bia an chahpiak mi a fahtuk caah niamdeuh le zaangfah deuh dingin biaceih zung ah an chimphaun than mi cu biaceih zungnih a cohlan hlei lo caah a mah ning tein bia an khiah piak thiam.

Siibawi pa (Ye Chrin) nih hin sii chunhnak a thar lengmang cawk kaa herh caah hman cia mi in mizaw hna sii ka chunh hna hi a si tiah a chim. Battambang ramkulh Roka khuate ah HNI rungrung a ngeimi 2014 kum thok in minung 290 han sinah a tlung. A tulio ah Combodia ram chungah ruahdamh in HIV/AIDS zawtnak ngeimi minung 60,630 an phan cang tiah hi dawtnak khamnak lei zungnih an chim. (Ref: Xinhua)

Leave a Commnet

%d bloggers like this: