Hlasa minthang Myo Gyi Covid-19 zawtnak ngei; David Lah taza an cuai

Kawlram minthang hlasak thiam Iron Cross (IC) in Myo Gyi cu Evangelist David Lah sin aa pumhnak in Covid-19 zawtnak an chawnh tiah Kawlram cozah nih April 14 zinglei ah thawngthanhnak a tuah.

Minthang Evangelist David Lah sin ah aa pummi tampi hi Covid-19 an i chawnh caah Rangoon ramthen Covid-19 dohnak le vennak Committee nih David Lah le biak inn Pastor hna telh in minung pali cu April 14 ah taza an cuai colh hna.

Hi Covid-19 karhternak ah tuanvo ngeitu tiah ruahmi David Lah, biakinn Pastor le zung riantuantu pakhat cu Insein palek zung ah le, Nawatrat awkhumhnak in tuanvo ngeitu U Wei Htun cu Mayangone palek zung tiin tazan an cuai hna cu a si.

Kawlram Vice President Henry Van Thio zong a luancia February 9 ah David Lah he tonnak an ngei bal caah Covid-19 i cheknak aa tuah ve lai tiah Kawlram cozah aiawh in chimnak nawl ngeitu Zaw Htay nih a chim.

Ref: 7 Day News, BBC