Hmaikum In Hakha College Ah Law Major Cawn Khawh A Si Cang Lai

Salai CungCung|2019 March 19|Hmaikum in Law Major (Upadi lei cawnnak) cu  Hakha College ah cawn khawh a si cang lai tiah Hakha College Principle nih a chim.

“Law Major hi Kawlram chung hmun tlawmte taktak lawng ah a um rih. A ralai mi cacawn kum ah hin kadang ramkulh le ramthen College ah a um tuk rih lo mi Law Major cu Hakha College ah cawn khawh a si cang lai. Kalay University College zong ah a um rih lo, cun adang College zong ah a um tuk rih lomi kan Hakha College te ah 2019-2020 cacawn kum ah cawn khawh a si cang lai. Cucaah Arts lei in Major pa 5 le Science lei in Major pa 5 tiin kan sianginn ah a um cang lai. Hi pawl cu kan mah kan i zuam thawngin le kanmah ka ti khawh caah a si lo, Pathian thawng in hmuh le Pathian thawng in pek an si” tiah Chin Christian University graduation day (March 19) lio ah Hakha College principle nih a chim.

“Hakha college cu tubantuk in a thancho deuh nakhnga hmailei ah cun Degree College dirhmun tiang phanh ding ah tu hi ca kan tial i cunglei ah kan pek cang. Nai Myanmar ram Vice-president Pu Henry Van Thio a rak tlun lio le Myanmar rampi ruahnak petu Daw Aung San Suu Kyi an rak tlun lio ah kan chimh hna. Chinram le miphun thanchonak ding siseh Biaknak lei thanchonak ding siseh, cun adang dang thanchonak ding ah  caah mizapi nih thlacaam kan bawmh hram u” tiah a chim chap.

 Hakha College ah Law Major telh in cawn khawh ding mi Major hna cu; Arts lei ah  Myanmar, English, Geography, History, Law,  cun Science lei ah Chemistry, Physics, Mathematics, Botany, Zoology tiin pa 5 a um. Azapi Law Major telh in Major pa 10 cu Hakha College ah cawn khawh a si cang lai tiah kan theih.

Na ruahning rak langhter ve.. (Leave a comment)

%d bloggers like this: