Hmuhning| Khuate Thanchonak A Bawm Kho Tu Meheh Zuatnak

0

Salai Bawi Lian Sang| TCP-Kalay| September 11, 2020| Khuate pawcawmnak ah tisik anhnah lawng rinh lo in saram zuat zong a herh ngai. A thancho mi ram hna ah cun khuate ah Ar, Vok, Tu, Meheh, Na, Caw le rang hna cu chungkhar cio ah phun khat si lo le phunhnih in an zuat

Tangka a dih lem lo mi le saram rawl kawl zong a fawi mi Tu le Meheh hi an si. Tu cu a kihnak hmun le a rocar vawlei ah zuat awk a tha i Meheh cu ruah a tlawnnak le a lumnak hmun ah zuat a tha. Tu hi a sa ei awk le a hnuk din awk a tha. Meheh zong minung ngandamnak caah a tha ngai. Meheh nih a hmuh mi poah a ei mi saram a si.

Thinghnah le theitlai a ei mi Meheh cu zuat a fawi. Mah belte midang hmun ah lut in thlaici ei a hmang caah congh a herh. Meheh pi (5) ah a pa(1) zuat chih a hau. Meheh a nu kumkhat a tling in fa a ngei kho cang. Fa a pawi can hi thlanga a si. Fa a hrim hnu kumkhat ah fa a pawi kho than. Maheh nu kumkhat ah fa  Pahnih a hrim. Meheh kumkhat chungah a thi kho ning hi zatuak 16% hrawng a si. Meheh kum nga chung zuat ah cun Maheh pum (20) tiang a karh kho. A pa (11) le a nu (10) an si kho.

Hnuk sur Meheh anu pakhat  nih  Tikal 30 in 50 tiang a chuak. A hnuk cu ngakchia le kum upa pawl caah a tha ngai. Meheh hi komtang vawlei cung umnak in a sannak inn ah um an duh deuhmi an si. Myanmar ram 2017 kum ah Maheh 2.6 Million an zuat.

(Ref: Catialtu hmuhning le theihning a si)

About The Author

Na ruahning rak langhter ve.. (Leave a comment)

%d bloggers like this: