Hmunlipi Khuaah Inn 3 Zeihmanh Chuahmanh Lo In A Ciam Dih

0

The Chinland Post- 2019 May 9- May 8 zan ah Thantlang peng Hmunlipi khua ah inn pathum a kaang i minung hliamhma tuarmi an um lo nain thilri zeihmanh chuah manh lo in an ciam dih tiah thawng kan theih.

Thil sining cu Pu Nun Tha Bik (kum 26) inn zan an ih lio ah an coka tappi in mei kangh aa thok i an mah inn he telh in a pawngkam inn pahnih Pu Hrang Lian inn le Pu Tluang Uk inn a tlaih chih hna.

Mei aa thoknak Pu Nun Tha Bik inn hi (pe 28x20x10) sungh mi tangka (420,000), A tlaih chih mi hna inn Pu Hrang Lian (kum 42) inn (pe 28x20x10) sungh mi (ks.420,000) le Pu Tluang Uk (kum 50) a inn pe 30x25x10, (sunghmi Ks.500000) a si i an dihlak inn thum hna sungh mi dihlak Ks.1,340,000 a si.” tiah Thantlang peng pale zung cazin ning in theih a si.

Hi kong he pehtlai in Thantlang palek lei tunvo ngeitu hna nih May 9 ni ah an khua ah tlung in hlathlainak an tuah hnuah inn kangh aa thoknak Pu Nun Tha Bik cu Ya-za-tat-kyi pohmah– 285 ning in dantat ding le tazacuai dingin an tawlrel lio a si tiah kan theih.

Atu bantuk in May 8 ni chun suimilam 12 tluk ah Thantlang khuachung sangthen No.2 Zunghmun sang um, Pu Ngun Bik tein a kang i inn chung thilri pakhat hmanh chuah manh ve lo in a ciam dih ve. Hi inn a kaang mi an sungh mi dihlak 360,000 a si i inn ngeitu cu upadi 285 ningin dantat an si ve tiah kan theih.+++

About The Author

Na ruahning rak langhter ve.. (Leave a comment)

%d bloggers like this: