Hnaring Khua Myo Pekmi Hunnak Ah Sia 7 Le Vok 3 Leng An Thah

0

Salai Elvis| 2018 February 6| Thantlang peng Hnaring khua Myo (khuapi) sinnak hunnak cu February 5 zinglei suimilam 11:30 tluk an Vice President Henry Van Thio nih lungphun hunnak a tuah. Mah ni ah sia 7 le vok pathum leng an thah tiah tuanvo ngeitu sinin thawng kan theih.

“Kan khua phungning tein khuapi an kan pekmi hunnak tuahnak chungah sia 7 le keimah ka theih ning ah vok 3 hrawng cu an thah nain pathum leng cu a si lai. Hi vialte kan thahmi hi ramchung ramleng Hnaring khuami hna i bawm in sing 200 budget kan i suaimi a si. A ruang cu kan lung aa lawmh tuk caah a tubantuk in rawldanghnak zong Vice President Henry Van Thio le a zultu hna khual he minung 1500 rawl danghnak kan tuah pi hna” tiah khuapi sinak ding riantuantu Committee Pu Hre Ling nih TCP ah a chim.

Hnaring khua myo peknak sunhlawih pah Vice President Henry Van Thio don pah in a chuak khomi tar le ngakchia zong hi hmun ah an chuak dih tiah theih a si.

“Hi donnak ah khuami kan zapi a chuak khomi ngakchia tiang in kan sunh lawih hna. Vice President Pu Henry Van Thio khuapi caah tiin bawmhnak a kan pe na lo in, tar pawl hna zong kut tlaih pah in minung pakhat 10000 cio, hla phuahpiak tu le a laammi hna zong laksawng a pek len ko hna. Kanmah duh ahcun riak seh ti cu kan duh tuk” tiah Pu Hre Ling nih a chim.

Vice President Pu Henry Van Thio sinah Hnaring khuapi hna nih thil phun 6 zong an hal chih tiah theih a si.

Hnaring khuami khuapi peknak lunglawmh puai ah a tlungmi Hnaring khua a si i khual ah a ummi hna zong February 6 ah Sia pakhat an thah than i an thlauh than hna tiah theih a si. +++

About The Author

Na ruahning rak langhter ve.. (Leave a comment)

%d bloggers like this: