Hngakchia a thimi le aa hliammi cazin UN Special Rapporteur nih report thar a chuah

0

Myanmar ram ah hramhram in uknak lak a si hnu thla 16 chungah SAC ralkap kahdohnak ruangah hngakchia 142 an thi, 14 leng tlaih an tong i inn le lo a zaamtakmi sing 2 le cheu leng an si tiah UN Special Rapporteur Tom Andrews nih a chim.

June 14 thanhmi report ah a tubantuk in a chim hi a si i kum 3 tang hngakchia telh in hngakchia a tlawmbik 61 tlaih an tong tiah a chim.

Vancung in kahdohnak a tuah ruangah asilole hriamngan in a kah ruangah hngakchia a tlawmbik 382 an thi i pum tlamtling lo dirhmun a phanmi zong an um tiah a chim. Kaphnih kar kahdohnak ruangah si loin ralkap nih a kah hramhram mi zong an um tiah a chim.

Kum tling lo hngakchia velhnak, namte in sawhnak, biahalnak tuah a si lioah tinphawhpiaknak, ha thlonghpiaknak hna a um tiah Tom Andrews nih a phuanmi report ah aa tel. Hngakchia cheukhat cu thah na si lai tiah chimh le tlerh a tongmi zong an um tiah a chim.

Hngakchia pawl nih an tuarmi harnak chungin an luat khawhnak hnga UN chungtel ram hna nih Myanmar ram cungah hneknak tuah chin ding le SAC tangka luhnak lam vialte phihpiak dingin Tom Andrews nih halnak a tuah.

Atu report hi UN phu pawl, Nuhrin covo phu pawl le mipi phu pawl sin in hmuhmi thil sinning dik a si tiah an langhter.

UN Special Rapporteur Tom Andrews phuanmi report thar hi Myanmar ram ah SAC nih hngakchia cungah a tuahmi a phichuak pawl langhtermi a si i a raa laimi hngakchia pawl an tlaunak hnga lo timhcia tein kham a herh tiah forhfialnak a telh chih.

About The Author

Na ruahning rak langhter ve.. (Leave a comment)

%d bloggers like this: