Hnin-Si (UDP) Party Chairman U Kyaw Myint Ngeihmi Tangka Kyat(41) Billion Le Tangka Kuatmi In Kyat(27) Billion Hmuh A Si

0

Salai Bawi Lian Sang| TCP-Kalay| October 25, 2020|Hnin-Si Party(UDP) cu Chairman U Kyaw Myint @ Micheal Huaho cu kan hnu ah phun ning lo ngeihmi  tangka Kyat 23.05 billion le a tu kyat(18) billion an hmuh chap. A  ngeihmi tangka Kyat (41) billion a si. A hnu bik tangka kuat mi(Ngwe Hluai) kyat (16) billion  le a tu hmuhmi kyat(11) billion he cun kyat(27) billion a si.Cun a ngeihmi inn le lo hmun(3) zong an khar piak cang. An tlaih ka ah cun thongtli upadi pohmah 224 le a a tu ah Lahwahkah Immigration upadi le  ningcang lo tangka hmuhnak in tazacuai chap a si lai tiah October 24, 2020 ni rampi President zung in thawng theih a si.

“Nihin tiang kan hlathlai mi le kan hmuh theihmi vialte hi Election thimnak he a naih ngai caah Rampi Election commission ah report ca kan kuat cang i Party tuah/dirhnak he pehtlai in commission lei nih tuanvo an lak ko lai” tiah U Zaw Htey nih October 15, 2020 Myanmar ram President zung thawngzamhnak ah   a chim.

Hnin-Si party UDP Chairman U Kyaw Myint

U Kyaw Myint cu Myanmar Kyone Yeom company dirhtu a si i 1997 December thla ah a company cu min thurhnom (blaclist) cazin ah chiah a rak tong i tangka lei buainak a chuah hnu ah thong kum 9 thlak ding in bia an rak khiahpiak nain thonginn in a rak zaam.

“Hninsi(UDP) Chairman U Kyaw Myint cu nizan September 29 zan ah Yangon aumnak Panhliang Innya ah Palik nih Upadi Pohmah 224 in tlaih in tazacui a si cang. U Kyaw Myint hi a bik in thongtli hmuh in tazacuai a si. Cun Myanmar ram zeitin in a rak lut than ti le hnu lei can zeibantuk minung dah a si ti kha kan dohhlah lio a si” tiah Yangon ramthen Palik bawi nih September 30, zing ah Myanmar Now news ah a chim.

An tlaihnak kong he pehtlai in UDP party hruaitu cheukhat cu Irrawaddy nih kan pehtlaih hna nain phone an tlaih duh lo. Ralkap lei zong nih U Kyaw Myint an tlaihnak kong tiah an fehter i a dikthliar cu palek phu hal ding in Irrawaddy ah an kan leh.

Sualnak lei kongkau upadi pohmah 224 cu, “Mi zeipaoh mah sualphawt sualnak caah siseh, sualnak a ngei tiah sualphawtmi caah, upadi he aa tlak in tlaihmi kha hramhram in al asiloah cu sualnak caah upadi he aa tlak in tlaih tik i zaam asilole zaam ding in thazaang a chuah ahcun cu nu, cupa cu kumhnih tiang thongthlaknak in siseh, tangka liamternak in siseh, a phunhnih ning in dantat” khawh a si.

Thongtli U Kyaw Myint cu Rampi cozah nih zeibatuk hnatlalnak he an rak cohlan I, Tuluk ram passport atlaihnak le Canada ram dornak ngei in umkal kho tu a si tiah ceihphai a ton I Party caah tangka tampi a hmangkho tu, Party chungtel hna cu amah Company chung tangka in bawmhnak a pek hna mi cu upadi he aa ralkahmi a si le si lo kong ah President zung nih dothlat a si le si lo mahvialte cu Rampi President zung chimnak nawlngei sin ah Myanmar now nih bia halnak a ngei.

Hninsi(UDP) U Kyaw Myint @ Micheal Kyaw Myint Hoa Hu hi “Wah” ralkap he aa pehtlaimi a si tiah zumhmi Myanmar KyunYou Company lutlai a rak si bal i 1998 kum ah Myanmar Company Art upadi a rak buar mi le Tangka kong buainak ah Tonginn kum (9) an rak thlak balmi a si tiah kha hlan chan ramkip thawngzamh ca ah an rak langhter bal mi a si.

Myanmar now nih a dohhlat ciami thongthla cazin ah U Kyaw Myit hi a mah ngeimi Company min chia cazin ah a rak tel balmi Senior General Than Shwe telh in ralkap hruaitu hna sin ah hnatlakpi lonak  ca an rak pek hnu ah tlaih a rak ton mi a si.

1998 kum January 1 ni ah U Kyaw Myint cu Pohmah 2 in tong kum 9 an rak thlak. Kum khat hnu 1999 kum January 19 ni ah Mandalay Siizung pi ah thongtla min in siithlop ding a ra I palik Lu Maw timi pa he an tli I an luat mi a si.

U Kyaw Myint cu Mandalay Oophuthong in a luat hnu ah USA ram le Canada ram hna refugee in aa rak dor. United Democratic Party (UDP) cu Canada ram ah 2007 kum ah a rak dirh i 2010 thimkum hlan ah ramchung ramkhel party ah tel ve ding in Rampi Commissioner sin ah nawl an rak hal bal hna.

U Kyaw Myint hi 2013 kum ah Myanmar ram a rak lut hnu ah Party President a tuan peng rih .A party UDP cu 2010 in 2015 kum thimnak ah an rak I zuam natein teinak a hmu lo.

UDP party cu nihin September 21 ni ah Party Chairman a konglam vialte chimnak ah “1989 kum ah Myanmar ram pumpi daihnak caah a rak tang ngaimi daihnak hruaitu pa a si tiah an chim na tein daihnak lam sernak ah U Kyaw Myint a rak I tel bal ti cu suallam ngei lo” tiah Ralkap chung Dohhlat (MI) bawi hlum nih Myanmar now sin ah a chim.

Rampi daihnak ah k arak I tel balnak ruang cu Myanmar ram ramkhel hi lutnak a si bantuk in thimnak phunglam kong zong September 26 ni ah Mipi sin biachimnak Television zong ah UDP Chairman U Kyaw Myint nih a chim.

Cuhlei ah Ramkhel pohmah in thongtlak a rak ton balnak kong zong TV biachimnak ah a telh chih.

1990 thimnak lio can ah teinak a co tu National Democracy Party Center ah uknak an pek a hau tiah Ralkap bawi sin ah ruahnak a pek hna ruang ah a dihlak mi in thongthlak ka ton hi a si tiah U Kyaw Myint nih mah chan lio thawngzamhnak ah ca a rak tial bal mi a si.

Tukum thimnak ah party tangka hman ding he pehtlai in U Kyaw Myint i company pakhat a simi Myanmar Kyaw company in tangka dih hram chuahpiak le party lemsoinak caah tangka hmanmi kong ah biahalnak tampi zong a chuak. Cu biahalmi cung ah Myanmar Kyaw company he pehtlai in hngalh duh ahcun tuanvo ngeitu ngunkhuai zung ah hlat khawh a si ko tiah U Kyaw Myint nih party i social media ah a chim.

Myanmar ramkhel lei minthang Dr. Yanmyothien nih cun apahnihnak party liam Hnin-si party ruang in NLD me tampi a cheu ter kho lai tiah a chim.

Ref: DVB TV news, Myanmar Now, Irrawaddy

About The Author

Na ruahning rak langhter ve.. (Leave a comment)

%d bloggers like this: