Hpakan Peng Kahdohnak Ah KIA Ralkap 1 A Nunnak A Liam, SAC Ralkap 8 An Thi, 10 An I Hliam
The Chinland Post | 2023 August 24 — KIA le SAC ralkap karlak, August 22 kahdohnak ah KIA ralkap pakhat a nunnak a liam tiah theih a si.
Cu KIA le SAC ralkap karlak kahdohnak ah KIA ralkap pakhat a cal ah kuan nih a khen caah a nunnak a liam i SAC ralkap a thi mi zong an tam ve tiah The 74 Media nih a langhter.
SAC leiṭang Telegram Channel pawl nih cun Kamiang khua pawng ah a um mi KIA sakhaan SAC ralkap nih an va kah hna i KIA ralkap 2 an thi, M22 zuun 1, kuan 50, Bag le thlaam 5 an lak khawh tiah an langhter.
KIA le SAC Brigade 33 kuttang, Monywa hrambunh B12 hna karlak ah kahdohnak a chuah hi a si.
Kahdohnak a can lio ah SAC ralkap nih hriamngan an thlah caah Nanya khuami nu pakhat a ke ah hliam a tuar tiah theih a si.
