Hpakant Suikhur Cawhnak Vawlei Min Nakin Ruak 7 An Hmuh Than

0

TCP-Online| 2018 Juy 28|  Khachin ramkulh Hpakant peng sui khur cawhnak i vawlei a min nakin minung tampi an tlau. A tlaumi chungin ruak 7 cu July 28 ni khan an hmuh than cang hna. Vawlei min nak hin minung 27 an tlau i tuni ruak an hmuh chap thanmi he cun ruak 18 an hmuh cang hna.

“Kan hnung cacawn ni hnih ni khan vawlei hi a min. A tlaumi cu minung 27 an si. Ruak kan hmuh mi hi a zate in minung 18 an si cang” tiah Green Land kokek humvennak lei lutlai Ko Naung Latt nih a chim.

Ruak kawlnak hin Hpakant khuabawi hruainak in khuami hna le Green Land hna nih an kawl len hna. Tu zongah ruah cat loin a sur pah peng rih caah hmun dang suikhur cawhnak zong vawlei a min kho dingmi tampi an um rih.

Hiti vawlei a minnak ah hin cozah lei nih thazaang chuah lo in ruak kawl lei zong ah tan a la lo tiah Hpakant khuami hna nih cun an chim.

Hpakant suikhur cawhnak ah hin tukum lawngah si loin kum dang zongah vawlei min nakin minung tampi an thi cang. Tukum 2018 kum chung lawng hmanh ah minung 120 vawlei min nakin an thi cang tiah theih a si.

Ref:VOA

About The Author

Na ruahning rak langhter ve.. (Leave a comment)

%d bloggers like this: