Hpapun Peng Ni 15 Chung Ah Kahdohnak Voi 150 Leng A Chuak
The Chinland Post | 2023 July 20 — Karen ram, Hpapun hmunhma, July thlacheu chung ah SAC ralkap le KNU karlak ah kahdohnak voi 150 leng a chuak tiah KNU Brigade 5 nih kahdohnak he pehtlai in cathanh a chuah.
Hpapun hi KNU 5 nih a tlaihnak hmunhma zong a si.
Cu KNU Brigade 5 hmunhma ah July 1 in July 15 tiah ah kahdohnak voi 165 a chuak tiah theih an thanh.
Kahdohnak chung ah SAC lei a thi mi an tam i SAC nih an hman mi rang 16 zong an thah khawh tiah an thanh.
July thla chung ah SAC nih Hpapun pengkomh khuate cheukhat zong hriamngan in an kah, vanlei in bom an thlak tiah KNU Brigade 5 nih cun a langhter.
