Hpasawng Kahdohnak Ah SAC Ralkap 4 Nak Tlawm Lo An Thi
The Chinland Post | 2023 June 20 — Karenni (Kayah) ram, Hpasawng peng kahdohnak ah SAC ralkap 4 nak tlawm lo an thi tiah Hpasawng PDF nih an thanh.
June 18 zaan sml 9:30pm hrawng ah Hpasawng peng, Thanlwin ni chuahlei Kyaukpanngyo khuate ah SAC ralkap 100 hrawng an rak luh caah Hpasawng PDF, Bawlakhe PDF, Loikaw PDF le EAO phufonh pawl nih an kah hna.
Kahdohnak chung ah SAC ralkap a tlawm bik 2 an thi i hliam a tuar mi zong an um tiah theihternak an tuah.
Cun June 17 zong ah Thanlwin ni chuahlei ah kahdohnak a rak chuak i SAC lei a tlawm bik 2 an thi i hliam a tuar mi cheukhat zong an um tiah theih a si. June 17 kahdohnak chung ah Hpasawng PDF chungtel 2 hliam an tuar tiah theih a si.
Hpasawng peng ah SAC Infantry 134 le 135 hna nih hmunhma an khuar tiah theih a si.
