Hramhram in uknak chuh a si hnu ah mipi 1 million leng an zaam, SAC nih 2,961 a thah hna, inn 1,3266 khanghpiak a si

The Chinland Post | 2022 May 10 – SAC nih hramgram in uknak a lak hnu 2021 February 1 thok in 2022 April thla tiang ah mipi 2,961 SAC nih a thah hna i mipi inn  1,3266 leng a khangh tiah Media Moitor Collective nih a thanh.

SAC ralkap nih ramthen le peng chung khuate 347, peng 80 in mipi inn pawl a hrawh tiah a langhter.

Sagaing ramthen ah mipi inn 2,399, Chin ramkulh ah mipi inn 1,212, Kayah ram ah inn 344, thlanglei Shan ram ah inn 262, Karen ram ah 147, chaklei Shan ah 137, Mandalay ramthen ah inn 58, Kachin ram ah inn 58, Bago ramthen ah inn 26, Taninthary ramthen ah inn 20, Mon ram ah inn 19, Yangon ramthen ah inn 4 an hrawh tiah a langhter.

SAC ralkap nih khuate chung luh hnawh in inn le lo an hrawh ruangah mipi 1,105,055 ( 1 million leng) nih inn le lo zaamtak in himnak hmun ah an zaam i SAC ralkap nih kahthlorh kah ruangah mipi 966  hliamhma an pu tiah theih a si.

SAC ralkap nih khuachung an luh hnawh lioah a ruang um lo in tlaih a tongmi 15,145 an um i khamnak ah hman a tongmi mipi 769 an si tiah Media Monitor thanhmi cazin in theih khawh a si.

 

Na ruahning rak langhter ve.. (Leave a comment)

%d bloggers like this: