Hramhram in uknak lak a si hnu ah chungkhar tangka luhnak a cheu leng an sung
The Chinland Post | 2022 July 29 – Hramhram in uknak lak a si hnu 2021 February 1 thok in ramkhel buainak le hramhram thiltuahnak a karh chin lengmang ruangah Myanmar ram i chungkhar hna tangka luhnak cu a cheu leng an sung tiah Save the Children nih July 28 ah a thanh.
Sifahnak a karh i kum 17 chung sipuazi a rak ṭhangcho mi he cun a ralkah ngai tiah a chim.
Covid-19 pulrai ruang le ramkhel buainak ruangah sipuazi a let hnih in a ṭumchuk tiah a thanh. Cucaah chungkhar hna nih an fale eidin caah harnak an tong tiah a langhter.
Ningkhel tein zingzaan rawlei khawhnak caah lungretheih a si tiah chungkhar 80% nih an chim. Chungkhar 5 chungah 1 hi cu hngakchia zohkhenhnak caah upa hna nih eidin kan i sum/tlawm deuh in kan ei tiah an chim.
Chung khar cheuthum ah cheukhat hi cu do cawi chom le midang bawmhnak in ṭhutdir a si tiah a langhter.
