Hramhram in uknak lak a si hnu ah mipi covo chuh le hrem chin a si

The Chinland Post | 2022 April 13 – Myanmar ram ah hramhram in uknak lak a si hnu ah a phichuak a simi mipi hrem le ram pumpi an kutchung um khawhnak caah tiin hramhram thiltuahnak ruangah mipi covo le pakhat le pakhat i bawmhnak a har chin tiah U.S. Embassy Rangoon nih 2021  Human Rights report ah an langhter.

A fiangkhunmi nuhrincovo buainak pawl ah SAC nih phungning loin mipi thahnak, thazang tampi hmang in thil sining hloh, hrennak le a dangdang minung thinlung a ngei lomi thiltuahnak, sualphawtnak, Sexual Harassment, phungning loin tlaihkhihnak, thong chungah thongtla pawl an nunnak tiang ṭhihphaihnak he aa pehtlaimi report vialte aa tel chih.

SAC ralkap nih miphun hme a simi tlangcung miphun le biaknak dang telh in ram pumpi ah hramhram in nuhrin covo a buarnak vialte report chungah an telh chih.

Hramhram in uknak lak a sihnu thok in US nih Myanmar mipi tha a peknak le Democracy lam cungah a phak ṭhan khawhnak hnga aa zuam cuahmah lio a si.

2021 February ah US President Joe Biden nih hramhram in uknak lak a simi cungah SAC sipuazi le SAC lutlai minung 70 rianṭuannak phu 27 cu phihkharnak a tuah hna.

Myanmar ram ah pakhat le pakhat i bawmhnak a har chin lai caah bawmhnak pek chinding le himte le zalong tein bawmhnak i pek khawhnak hnga SAC cu hnek ding in American cozah cu nawlnak an tuah tiah theih a si.

Na ruahning rak langhter ve.. (Leave a comment)

%d bloggers like this: