Hramhram in uknak lak hnu Kayah ram ah mipi 300 deng an thi, kahdohnak voi 300 leng chungah SAC ralkap 1,000 leng an thi

0

The Chinland Post | 2022 August 3 – Ralkap nih hramhram in uknak a lak hnu thok in 2022 July 31 tiang kumkhat le cheu caan chung Kayah (Karenni) ram ah mipi 293 an thi cang tiah Progressive Karenni People Force (PKPF) nih August 1 ah a thanh.

Cu chungah, SAC ralkap pawl nih tlaih/thah ruang le hriamngan nih a khen ruangah a thimi 255 an um i ralzaam 38 an thi tiah a thanh.

Kumkhat le cheu caan chungah tlaih a tongmi 260 an um tiah a chim fawn.

SAC ralkap le mipi hriamtlai karlak ah kahdohnak voi 393 a chuak i mipi hriamtlai lei in 147 an nunnak a liam i SAC ralkap 1,451 an thi tiah cathanh ah a langhter.

Kahdohnak chungah SAC ralkap nih vanlawng kahdohnak voi 157 a tuah i biakinn 23 le mipi inn 1,133 a rawk tiah a thanh.

Karen le Shan ram thlanglei Moebye, Pekon peng hna hna ah a zaammi 210,000 hrawng an um tiah ralzaam bawmtu nih an chim.

Ralzaam pawl hi Demoso hmailei le hnulei ah a tambik an i dor i sii le eidin an herh ko tiah bawmtu phu nih an chim.

About The Author

Na ruahning rak langhter ve.. (Leave a comment)

%d bloggers like this: