Hramhram uknak doh ruangah inn 586 hrenhpiak a si tiah ISP-Myanmar nih a thanh
The Chinland Post | 2022 May 30 – Hramhram in uknak lak a si hnu kum khat leng chungah SAC a dohtu umnak, inn zapi 586 nak tlawm lo cu SAC nih hrenhpiak in a chuh hna tiah Institute for Strategy and Policy (ISP-Myanmar) nih May 27 ah a thanh.
SAC nih a dohtu lawng si loin a chungkhat pawl inn tiang hrenkhanh in a chuh hna tiah Sagaing ramṭhen, Kanhbalu khua in inn hrenhpiak a tongmi NLD hluttaw palai hlun U Nay Zin Latt nih RFA ah a chim.
ISP-Myanmar thanhning ahcun Sagaing ramṭhen ah inn 159 in a tambik a si i Yangon ramṭhen ah inn 122, Mandalay ramṭhen ah inn 88, Magway ramṭhen ah inn 48, Irrawady ramṭhen ah inn 47, Chin, Kayah, Karen, Kachin, Mon, Taninthary, Shan le Naypitaw fonh in inn 84 nak tlawm lo hrenhpiak le chuh a si tiah a langhter.
Cu chungah, mipi ngeihmi hrenhpiak a tambik a si tiah a chim.
SAC nih a hrenhpiakmi chungin NLD hluttaw pawl umnak le inn 147 chuh a si tiah ISP-Myanmar nih a langhter.
About The Author
