Hramhram uknak kan hrawh khawh lawng ah mipi lungretheihnak kan tei  khawh lai – NUG caankarlak President

The Chinland Post | 2022 March 13 – Hramhram uknak kan hrawh khawh lawng ah mipi nih an tuarmi lungretheihnak kan tei khawh lai tiah National Unity Government (NUG) caan karlak President Duwa Lashi La nih a chim.

NUG caan karlak President nih March 12 ah tuahmi Mental Healh Conference ah biatawi chimnak a ngei i mipi dirhmun, zumhnak fek tein tlaih a hau tiah a telh chih.

Hramhram uknak kan tei khawhnak hnga mipi pakhat cio i thinlung ngandamnak hi a biapi tuk tiah caan karlak President Duwa Lashi La nih a chim.

A tu caan hi Myanmar ram mipi kan zapi caah thinlung ngandamnak a biapi tukmi dirhmun a phan i SAC nih phungning loin uknak hramhram in a lak thokin mipi hmailei cu a mui dih i hremnak le phungning loin uknak pawl doh lio a si tiah NUG caan karlak President nih a chim.

Covid-19 pulrai leng ah ralkap chia uknak hi kan tuar caah pawngkam, chawlehnak, ngandamnak hna a rawk dih caah lungretheihnak fak deuh in tuar a si. Cu lungretheihnak kan tei khawhnak hnga zumhnak, ruahchannak, dirhmun fek he Federal Democracy rampi ser khawhnak caah thazang chuak kan hau rih ko tiah forhfialnak a ngei.

Na ruahning rak langhter ve.. (Leave a comment)

%d bloggers like this: