July 25, 2024

Hramhram Uknak Kum 3 Leng Caan Chung Ah SAC Ralkap 40 Hrawng CDF-Hakha Sin Ah CDM An Tuah

0

The Chinland Post | 2024 March 5 — Hramhram in uknak lak a si hnu kum 3 leng caan chung ah Chin ramkulh, Hakha khuachung le Hakha peng chung in SAC kuttang ralkap le palek 40 hrawng cu CDF-Hakha sin ah CDM an tuah cang tiah thawng theih a si.

CDF-Hakha in ṭuanvo ngeitu pakhat nih “hramhram in uknak lak a rak si ka ah CDM a tuah mi ralkap le palek an rak tam, cu hnu ah minung pakhat/pahnih hrawng tete in CDM a tuah mi hi 40 hrawng an si cang” tiah Khonumthung Burmese ah a chim.

A luancia March 2 zong ah Chin ramkulh, Hakha khuachung um SAC kuttang palek 1 cu CDF-Hakha sin ah hriam he CDM a tuah.

Cu palek nih meithal zuun 1, kuan 300 leng, kuanbawm 2, Grenade 2, kuan khamnak 1 he CDF-Hakha sin ah CDM an tuah hi a si i tangka sing 50 laksawng an pek i himnak hmun ah an kuat tiah theih a si.

Kum 3 chung ah CDF-Hakha sin ah CDM a tuah mi SAC chungtel 40 chung ah ralkap nak in palek an tam deuh i hriam he CDM a tuah mi pawl kha laksawng an pek tawn hna.

SAC kuttang ah rianṭuan a duh ti lo mi ralkap le palek pawl nih SAC kaltak in dothlennak chung i tel ding in CDF-Hakha nih thawng an thanh.

About The Author

Na ruahning rak langhter ve.. (Leave a comment)