ICC Ah Myanmar Tazacuai Ding In Nuhrin Covo Phu Nih An Hal
Salai Aung Aung| 2018 May 9| Rohingya cung ah minung he aa tlak loin sualnak an tuahmi ruangah Myanmar cu International Criminal Court (ICC) ah a rang bik in chuahpi ding ah Nuhrin Covo phu pali nih UN Council an forhfial.
Amnesty International, Human Rights Watch, Global Center for Responsibility to Protect le Fortify Rights timi vawlei pi huap in Nuhrin Covo kong rian a tuanmi phu pali i fonh in May 8 ah UN Council sinah bia an chim hi a si.
Rohingya pawl dirhmun hngalh ruah le hi buainak hi Bangladesh le Myanmar he i bawm in remhchun zau khawh nak dingah UN Humhimnak Council phu law kan hnu zarh ah khan Myanmar an phan.
Bangladesh ram le Cox’s Bazar i Rohingya ralzaam pawl umnak buk zong an va phan i Myanmar nih an namneh, hrem, thah le tlaihhrem nak an tuah mi sualnak hi ICC ah chuahpi a tlak tiah Human Rights Watch nih thanhca an chuah mi ah an langhter.
Fortify Rights phu zong nih Myanmar nih Rohingya cungah hin miphun cihmih ruanghloh tiang a phan kho mi thahnawnnak a tuah tiah an hmuhchuah mi kong ah ICC nih a kherhlai awk a tlak tiah an chim ve. Hi sualnak a tuah kho tiah tehte he sualpuhmi cazin hi kan i chiah dih ko. Ralkap cung lei bawi deuh an si tiah Fortify Rights lutlai Matthew Smith nih a chim.
Ref: VOA
About The Author
