ICC Chungtel Kan Si Lo Caah Nawlzulh Kan Herh Lo; Senior General Min Aung Hlaing

TCP-Thantlang| 2019 February 18| Kawlram pi cu ICC (International Criminal Court) chungtel kan si lo caah zeihmanh zulhphung kan zulhnak ding sullam a um lo tiah ralkap lutlai Senior General Min Aung Hlaing nih a chim.

Japan Media pakhat Yangon thawnglatu Mr. Ryuta SOMETAYA nih Min Aung Hlaing cu February 14 ni Nyapyitaw tonbiaruahnak chungah ralkap lutlai hna cu ICC nih dantat dingin timhtuahnak an ngeihnak bia a halmi chungah a tubantuk in a chim hi a si.

Min Aung Hlaing nih, “kan mah cu ICC chungtel kan si lo, ICC he pehtlai in zei bantuk zulhphung hmanh kan zulh a herh lo. An mah te khan hei chim ve ko hna seh. Kanmah le kan ram Sovereignty (siangpahrang sinak/thilti khawhnak) ningin kan kal ve ko. Kan mah sinah ra in thihphaihnak tuah zong a ngah lo. Upadi ningin rian kan tuan ve ko, kan riantuan mi upadi he aa kalh a si ahcun rak kan chim ko han seh. UN ah biahren nak minthut zong kan ngei ko nain kan zulh khawh lo mi zong a um bantuk in minsen thu lo in nawlbuar mi zong an um len ve ko” tiah a chim.

“Zulh kan herh lo ka ti tikah kan nek hna tinak a si lo. An biachah mi zulh ding in kan cohlan le cohlan lo cu kan mah nawl a si, thil umtu ning he aa tlak ning in kan cohlan i ka zulh ve awk zong a si ko. Hmun dang ram thenkhat nih minsan an thu lo, a si nain an mah caah a tha mi le aa tlak mi a si ahcun an zulh ve fawn ko. Cucu ralrin a hau fawn. Cu bantuk in an ram sining he aa kalh i an zulh duh lo ding a si ah cun minsen an thu hlei fawn lo. A zapi in a si lo hmanh ah tlawmpal te cio in kan ram he aa pehtlai mi thil sining kong cio ah zulh ding tete cu vawlei cung ah a tam pi” tiah a chim.

Rakine ram minung sing 7 leng Kawlram chungah a um mi an si ko nain Bangladesh ram ah a zamnak konghe pehtlai in, an mah pawl cu ram mi an si lo bantuk in tlangcung miphun zong an si lo nak kong, le Cu hna pawl tel in ARSA hna he an i dohnak ong zong tam pi a chimchih.

Ref: DVB

Na ruahning rak langhter ve.. (Leave a comment)

%d bloggers like this: