IKBZ Sinin Liamhrulhnak A Um Ahcun Paletwa Hlei A Caan Chungah Rian An Dih Lai

0

TCP-Thantlang| 2019 May 18| Chin ramkulh Paletwa, Kaladan tiva hlei pi cu IKBZ nih liamhrulhnak a kan tuah ah cun a caan chung tein ah kan sak khawh colh lai tiah rampi sakremhnak vuanci chang U Kyaw Lyin nih a chim.

“IKBZ lei nih liamrulhnak an kan pek ahcun a caan chung teah mah hlei cu kan dih colh lai tiah ka ruah. IKBZ timi cu a minthang ngaimi le teinak a hmu mi minthang Company pakhat a si bantuk in liamhrulhnak zong hi caan rau lo teah an kan pek colh lai ka zumh fawn. IKBZ lei nih kan mah sin ah thawng an kan thanh mi a um. A hmunhma ah kal in zohfelnak tuah kan duh an ti caah an herh bantuk in zohfelnak tuah dingin kan tawlrel lio zong a si” tiah U Kyaw Lyin nih a chim.

Hi hlei saknak ding caah Yangon in Paletwa tiang MV Yadanar-win tilawng in thir Ton 286.23 le seh thilri American Dollar 715,000 tluk aphur tilawng cu 2019 March 10 ni aa thawh lio ah AA ralkap hna nih an rak kah hna caah American Dollar 327,360 tiang sunghzatlaknak an rak tong.

“Mei nih a kangh mi hna thir pawl hna cu hman awk that le that lo Japan ram fimthim hna nih zohfelnak an tuah cang. Mei nih a hlio mi thir cheu khat hna cu hman than khawh a si ko lai tiah kan ruah mi hna zong Japan fimthiam hna nih an duh lo. Cucaah tilawng in phurh mi thir paoh hman awk tha lo in kan sung dih” tiah U Kyaw Lyin nih a chim.

Hi hlei sak mi cu a ra laimi 2020 kum Chin Miphun Ni ah hunnak tuah ding zong timhtuahnak an ngei tiah kan theih.

Ref: The Fifth Wave News

About The Author

Na ruahning rak langhter ve.. (Leave a comment)

%d bloggers like this: