{"id":11052,"date":"2019-07-16T12:24:55","date_gmt":"2019-07-16T05:54:55","guid":{"rendered":"http:\/\/thechinlandpost.info\/?p=11052"},"modified":"2019-07-16T12:54:33","modified_gmt":"2019-07-16T06:24:33","slug":"pi-ngun-thluai-cin-nih-ks-sing-103-paletwa-ralzaam-a-bawmh","status":"publish","type":"post","link":"https:\/\/thechinlandpost.info\/?p=11052","title":{"rendered":"Pi Ngun Thluai Cin Nih Ks. Sing 103 Paletwa Ralzaam A Bawmh"},"content":{"rendered":"

Salai CungCung | 2019 July 16 |\u00a0<\/strong><\/em>Pi Ngun Thluai Cin Ishikawa Co.,Ltd nih Chin ramkulh Paletwa ralzaam hna caah tangka Kyats Sing 103 bawmhnak a pekmi cu July 15 ah Chin ramkulh cozah nih cohlannak an tuah tiah kan theih.<\/p>\n

\u201cFacebook online chung ah Paletwa ralzaam kong an tialmi le an post mi ka hmuh tikah ka lung aa nuam lo tuk. Cucaah zeiti tal in ka bawm kho ve hna hnga maw ti ka ruat. Hi bawmhnak caah\u00a0 ka va he kan i ceihmai i\u00a0 tubantuk in bawmhnak ka pek hi a si. Hmailei zong ah ka si khawh tawk in Chin ramkulh caah keimah ka ti khawhmi lam in i teltum khawh kaa zuam peng lai\u201d tiah Pi Ngun Thluai Cin nih Chin ramkulh cozah zung tonpumhnak ah a chim.<\/p>\n

\"\"<\/a><\/p>\n

\u201cChinram thanchonak caah kyats sing 10 le Sing 15 hrawng dih in ka bawmhmi tete hi cu a tam ngai ko, nain mah ti pi vun chim awk tlak cu an si lo. Kan khua certual saknak ding le Vomkua le Salen kar lam caah bawmhnak ka pek pah hna. Cun kadang hmundang zong bawmhnak tete ka pekmi an um pah ko\u201d tiah a chim chap.<\/p>\n

\u201cTu bantuk in Chin ramkulh cozah zung ah tonpumhnak kan tuah cu zapi theih cia bang in \u00a0Pi Ngun Thluai Cin te chungkhar nih Chin ramkulh \u00a0Paletwa ralzaam le kokek harton mi hna caah Kyats Sing 103 \u00a0bawmhnak an pekmi cohlannak tonpumhnak a si bang in an chungkhar cung ah lunglawmhnak tampi kan ngei. Cun Hartong le ralzaam hna caah thathnemnak tampi a pek hna lai ti kan zumh. Hmailei zong ah bawmhnak petu chungkhar lei zong nih a ralaimi\u00a0 Chin ramkulh caah rak kan bawmhchan rih ko ti upatnak he kan in sawm hna\u201d tiah Chin ramkulh Planning and Finance minister Pu Vui Kaw nih tonpumhnak ah a chim.<\/p>\n

\"\"<\/a><\/p>\n

Hi tonpumhnak cu\u00a0 July 15 zanlei suimilam 2 in Chin ramkulh cozah zung ah an tuah i Pi Ngun Thluai Cin nih Paletwa ralzaam caah bawmhnak a pekmi Kyats Sing 103 cu Chin ramkulh cozah nih lunglawm tein an cohlan tiah kan theih.<\/p>\n

Pi Ngun Thluai Cin cu a chuahnak Thantlang peng Vomkua \u00a0khuami a si i Japan ram ah a chungkhar he khuasa mi an si. A fa hi Japan mi Shoji.Ishikawa a si i a fale nu pahnih-\u00a0 Munu le Lisa an si. Anih hi unau pa 6 lakah a hniangbik chang a si tiah kan theih.<\/p>\n

Hika ah Chinram cozah nih bawmhnak a pekmi an cohlan lio video zoh chih khawh a si.<\/em><\/strong><\/p>\n