The Chinland Post| October 17, 2019| Aluan ciami March 31 ah Aung La Nsang cu Japan rammi pathawng Ken Haegawa nih aa ngeihmi One Championship i Middleweight Champion taisawm chuh ding in Japan Khualipi Tokyo ah a zuamcawh. An vun i thongh i Round 2 an vun thok in Aung La nih tengh lak (knock-out) in a thongh i a thawh khawh ti lo caah a tei. Champion a sinak taisawm cu a chut kho lo.<\/p>\n
Aung La nih a tei cangka in an i thonghnak chung ah Philippines hrin American rammi a simi Heavyweight Champion a simi Brandon Vera nih a hun luh hnawh. Hitin a ti. “Aung La kan lawmhpi. Middleweight Champion he Lightheavyweight Champion he taisawm pahnih na co. Lightheavyweight Champion caah aralaimi October ah Japan ah kan zuamcawh lai. Na ka cohlang lai maw,” tiah a hal. Tikah Aung La nih, “kaa lawm. Ka cohlang, zeitin na ruah tiah One Championship tawlreltu pa a hal i, ‘siseh, kan tuah bak lai,’ tiah a leh.” Cu bantuk in October 13 ahcun One Championship nih a tuahmi puai vialte ah a robik in a chiah i “One Championship: Century” tlangtar in a tawlrel.<\/p>\n
“Vera nih Round 2 ah ka tei lai. Tlangtlatu (judge) biakhiahnak in mi tei ka duh lo. Kei cu tenghlak in mi thongh i tei lawng hi ka duh,” tiah puai hlan ah a vun ihro. Aung La zong nih “Vera a thiamnak ka dothlat. A mi thongh a fak tuk. Tenghlak in thongh khawhnak thazaang a ngei. Voikhat a khen hna cun cawl kho ti lo in a tei tawn hna. Cun a ke a tha. A ke in tho kho lo, tlu lak in a chuih kho hna. A ke chuih nakin mi a tei\u00a0 hi a tlawm lo. Cun aa thonghmi hi Round 1 lawngte ah a tei hna. A mi chuih a fah le a thong a fah lawng a si lo. A rang taktak ko. Cucaah Media nih tutan cu Speed le Power i zuamnak a si lai an timi hi ka cohlang ko. Kei zong tlangtlatu biakhiahnak in mi tei ka duh ve lo. Puai a dih hlan ah ka tei ve lai,” tiah a hun i hro ve.<\/p>\n
Aung La le Brandon Vera cu an pum, an tungtai an i thlau tuk. Aung La cu 6’1” lawng a sang in Vera cu 6’3” a sang. Aung La nak in lemah pahnih (2”) in a sang deuh. Cun Vera cu One Championship ah voikhat hmanh a sung bal lo. A zuamcawhtu paoh Round 1 ah a tei dih hna. Aung La caah Vera cu a har tuk lai tiah zumh a si nain October 13, Japan ram ah an i thong tik ah Aung La nih Round 2 ah tenglak in a thongh in a tei diam ko. Cucaah Aung La cu Asia ah a hohmanh nih tei khawh lomi le pathawng bik tiah zapi nih an thang that. Champion lak ah siangpahrang ti zong in an chuan khan. A tei hnu ah Aung La nih Vera teinak ding ah aa timtuahnak a tanglei bantuk in a chim.<\/p>\n
“Thla 6 chung ngol lo in training ka tuah. Cun Vera a thiamnak le a dernak biatak te in ka dothlat. Keimah nakin tungtai in a puam deuh, a san deuh tikah tampi timnak le ralrinnak i ngeih a hau.<\/p>\n
Cucaah training hi minung phuntling te ka tuah. Pe sarih a sangmi le 6’8” a sangmi pawl he training ka tuah. UFC in a thawngmi minung le aa zami lawngte an si. Cun keimah nakin a niam deuhmi le thazang a ngei deuhmi he zong ka tuah. Minung phunkip cawh in training ka tuah, ka cawng. Cucah Vera he chungtual ah kan luh i kan i niamsang kha cu ka caah zeihmanh aa dannak a um ti lo.<\/p>\n
Kaa tim bantuk in anih cu a rangmi le mi a normi a si i keimah nih nor hmasa hi a hau. Mah caah puai thok cangka te in keimah nih nor hmasa kaa zuam. Cu ti ka tuahmi nih tampi a cung ah amah lila a lung a zor (pressure) nih a cawl kho lo. Teinak ah kaa timhmi ka tlamtling ka ti lai cu.<\/p>\n
Hi teinnak ka hmuhmi cung ah a pa khatnak bik ah Pathian min ka thangthat. Pahnihnak ah zeip paoh tlamtling in a ka bawmchantu ka pa le ka chungkhar, ka riantuanti hawi le cat lo in thazaang a ka petu Kawlram mi cung ah kaa lawm.<\/p>\n
Kawlram thanchonak caah pumpak kan thiamnak chuah a herh. A bu in i bawmh in kan i zuam a herh. Pumpak in siseh, a bu in sinak hi nak faak deuh in kan i zuam ahcun a tha deuhmi le a dammi Kawlram kan ser khawh lai.<\/p>\n
Atu bantuk in puai lian, puai hlunghlai a kan tawlrelpiak tu One Championship cung ah kaa lawm. Nan dihlak Pathian nih thluachuah in pe ko hna seh. Thazaang petu dihlak kan dawt hna … ”<\/p>\n
Aung La Nsang hi MMA aa thong in a tuanbia chung ah puai 37 aa thong i puai 26 a tei i puai 10 a sung. Puai khat cu a phi chuak lo. Cun One Championship he min an thut hnu in puai 12 aa thongh i puai 11 a tei i puai khat lawng a sung tiah kan theih. +++<\/p>\n
<\/p>\n","protected":false},"excerpt":{"rendered":"
The Chinland Post| October 17, 2019| Aluan ciami March 31 ah Aung La Nsang cu…<\/p>\n","protected":false},"author":1,"featured_media":11768,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[5,6],"tags":[],"class_list":["post-11767","post","type-post","status-publish","format-standard","has-post-thumbnail","hentry","category-burma","category-world"],"_links":{"self":[{"href":"https:\/\/thechinlandpost.info\/index.php?rest_route=\/wp\/v2\/posts\/11767","targetHints":{"allow":["GET"]}}],"collection":[{"href":"https:\/\/thechinlandpost.info\/index.php?rest_route=\/wp\/v2\/posts"}],"about":[{"href":"https:\/\/thechinlandpost.info\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/thechinlandpost.info\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/thechinlandpost.info\/index.php?rest_route=%2Fwp%2Fv2%2Fcomments&post=11767"}],"version-history":[{"count":2,"href":"https:\/\/thechinlandpost.info\/index.php?rest_route=\/wp\/v2\/posts\/11767\/revisions"}],"predecessor-version":[{"id":11770,"href":"https:\/\/thechinlandpost.info\/index.php?rest_route=\/wp\/v2\/posts\/11767\/revisions\/11770"}],"wp:featuredmedia":[{"embeddable":true,"href":"https:\/\/thechinlandpost.info\/index.php?rest_route=\/wp\/v2\/media\/11768"}],"wp:attachment":[{"href":"https:\/\/thechinlandpost.info\/index.php?rest_route=%2Fwp%2Fv2%2Fmedia&parent=11767"}],"wp:term":[{"taxonomy":"category","embeddable":true,"href":"https:\/\/thechinlandpost.info\/index.php?rest_route=%2Fwp%2Fv2%2Fcategories&post=11767"},{"taxonomy":"post_tag","embeddable":true,"href":"https:\/\/thechinlandpost.info\/index.php?rest_route=%2Fwp%2Fv2%2Ftags&post=11767"}],"curies":[{"name":"wp","href":"https:\/\/api.w.org\/{rel}","templated":true}]}}