{"id":12857,"date":"2020-04-13T00:06:11","date_gmt":"2020-04-12T17:36:11","guid":{"rendered":"http:\/\/thechinlandpost.info\/?p=12857"},"modified":"2020-04-13T00:06:11","modified_gmt":"2020-04-12T17:36:11","slug":"sungsai-sih-ka-dawt","status":"publish","type":"post","link":"https:\/\/thechinlandpost.info\/?p=12857","title":{"rendered":"Sungsai Sih Ka Dawt"},"content":{"rendered":"

|By Joel Ling|<\/strong> Uikheng bawitlang Za Tlir \u0163ahnak a ruang an chimning aa dang cio, amah ka chawn kho rih lo, a fawn a rawk i Hakha ah an remh lio ti a si… innchung erh Uisih umhar pawl umhar phen ah Dingdin Music Magazine\u2014Vol. 2 i ka rak tialmi “Sungsai Sih Ka Dawt” tu hi…<\/em><\/p>\n

Sungsai Sih Ka Dawt<\/strong><\/p>\n

1<\/strong><\/p>\n

An tuah hlan thla thum hrawng hmanh in hin, a sungsai bak lai tiah ruah cio a si. A sunsai ve awk hrim a sinak cu, Thingtu khuachung mirum le mithawngtha tiah ruahmi Pu Al Tlir fapa, Than Buang le Thingtu an leng dawh bik, Duh Za Dim thitumh puai pei a si fom lai cu tiah. Hiti zapi nih a sungsai lai an tinak hi, Than Buang le Duh Za Dim an i zaat tuk ruang le khuami nih zeitikdah an i umh te lai tiin cuanh pengmi an si ruang, an sathah ding a tam lengluang tibantuk ruang theng ah aa hngat thlu lem lo. Puaizan ah sa\u0163eihsaw a um lai timi tu nih hin a linhsatter khunnak le a sungsai hrimhrim lai an tinak cu a si. An mawh ve lonak cu, Thingtu khuachungah hin s\u0163eihsaw an kai lio a hmu balmi von ti ah, Thantlang ah Tangkua a kai balmi Phun Zel le Lal Iap, Natchaung ah a um balmi Khar Zel, Hakha a ni le sinah thla hnih a rak um balmi Thluai Zi hrawng lawng hi an si. An patung cheukhat nih, kan hmuh bal cio ko, an ti nain a ni le a caan fiang in an chim khawh ti set lo ruangah a si kho men, an pompiak huam hna lo. I, zapi ko nih cun s\u0163eihsaw hi zei a si set zong an hngal tuk lo ti khawh a si, cuti an hngalh tuk lomi a um lai, an tuah lai ti a si tikah atu bantukin an tuah hlan thla thum hrawng in anmah Thingtu lawng hmanh si loin Uisih tlaang tiang tlirh dih in a linhsat cia le a sunsai chungnak cu a si.<\/p>\n

A caan cu Kawlram fidi Lin Zar Ni Zaw le fitlaw Ye Ko Ko an laar lio kha. A kum i hun chim ahcun 1992-93 kuakap. Hi hna pahnih hi Kawlram pumpi ti awk in an rak laar, a hlei in khuate lei ko ah an laar ning a zualhma. An i thlakmi video a zoh bal he zoh bal lo he an min cu hngalh cio le ceih lulh cio. Nungak lennak ah anmah pahnih kong a hong chuah i aa thlak kho set ve lomi cu, hing chichei in an \u0163hut sia a rem kho tawn lo. Cu ti a si ruangah a si men lai, Khiahhrap Tin Zel le Mang Irh tepawl zong video zoh ruah bak ah Thantlang ah zan thum riak in an rak choi kha. Hiti von ti tikah, anmah pahnih lawng tinak a si hrimhrim lo. Nungak tlang val lawng hmanh si loin patung a lawngkang deuh zong duhherh zalh ah an ti nain video zoh ruah deuh ah khuapi lei an panh cio ko ti a si.<\/p>\n

2<\/strong><\/p>\n

Tikcu le caan an von pek cionak thawngin an fidi le an fitlaw konglam a chim kho le a rel kho an hong tam ngai cang. Nungak inn zongah lumsa ngai le tlo ngai in a ceih kho le aa thlak kho an karh ziahmah. Asinain, Kawl holh in thlakmi video a si tikah Kawl holh thiam deuh nih an chimmi kha a dik le a si deuh in zapi (a hlei in nungak pawl) nih cun ruah a si. Cuti an ruahmi hna lakah cun tlangval Khar Zel bia hi a pomtu an tam bik. Anih hi Natchaung a pate le sinah tangriat kum thum a cawng bal, cucaah Thingtu koko ahcun Kawl holh a ti kho bik ti khawh a si. An saya Bawi (PAT) zong nih a ka chei lai lo, a ngamh ahcun Kawl holh in kan i si lai tiah a singkhaw bal ti a si. Cuticun, an saya Bawi rori hmanh a von singkhaw ngam tikah, saya Bawi nakin a thiam deuh caah a si lai ti a si. An uar le an upat a zual.<\/p>\n

A taktak hon ti ahcun, Khar Zel hiti a laar le mi nih an zumh hi Kawl holh a thiam futfatmi nakin a naal ruang tu ah (kanmah lawng hngan) a si deuh kho men. Zeitlukin dah biachim a thiam ti ahcun, ram an vaihnak kong a chimmi hna hi dahkaw, ramvaih i aa tel ve bak komi nih an kaa an i aan i \u0163hep loin an ngaih ko cu. A hmuhmi mi\u0163hawng pawl hrim hi an \u0163hawng kho tuk. Pakhatpa a \u0163hawn ning cu amah le amah bak a ke-rek in aa tlai i a chukbaling in aa thlir kho, a ti ti si. Thingtu pawl nih cun, zei tuaktan cungcang lo khin me an pek mei ko. Sawri! an zumh ngai ko ti bia, an zumh lawng hmanh si loin cet…cet…cet… tiah an lu an sut len rih.<\/p>\n

Cuti biachim a thiam (naal) ruangah cun a si bik ko lai dah. Atu Lin Zar Ni Zaw le Ye Ko Ko kong a chim zongah a chimmi video a zoh ve bak komi zong nih, a thli nawn khin an hna an rak tun \u0163hiam\u0163hiam. A donghnaklei a hon phanh lebang khin cun, an taw an hun mer i amah lei an hoih dih ngawt. Cuti zapi nih ka bia an ngaih ti a hun theih in, a aw thluai daan a hon thlen tawn. A donghnak ah cun nungak le nutungno zapi lebang cu an celh bak lo. A thli in a rak fiik na, zapi hmuh lonak ah a mitthli a vaa hnawt na an si tawn. An ceihmi video thlakning suaisamtu (diretor) Mipua hmanh nih a bia hi ngai seh law a celh ve lo men lai. Asiloah fidi le fitlaw ah aa cangmi pahnih hna zong nih hin an celh lo ve kho men. Cucucaah, Lin Zar Ni Zaw le Ye Ko Ko thawngin an u Zel a ni le a zan in sunhlawih le zohcho a tong.<\/p>\n

3<\/strong><\/p>\n

Tingtang tum thiam lo le hlasak thiam lo pawl vanchiatnak hri ah ti khawh a si. Lin Zar Ni Zaw le Ye Ko Ko nih an i thlakmi zatlaan (film) thar a hong chuak. Cu zatlaan thar a min cu anmah Kawl holh in \u201cSunhsameh A Chit (\u1005\u103c\u103c\u1014\u1039\u1094\u1005\u102c\u1038\u1019\u101a\u1039\u1094\u1021\u1001\u103a\u1005\u1039)\u201d ti a si. Hi zatlaan hi Maung Zaw Thit nih a phuah i Ye Twin nih a sakmi \u201cSunhsameh A Chit\u201d timi hla kha chirhchan in an i thlakmi a si. A zatlaan zoh a nuamh tlukte in a hla zong cu ngaih a nuam, thin a tok. A zatlaan nakhmanh in a hla cu a hong laar deuh ai. Cu tikah zatlaan kong naal ngang i a chim khomi nakin ngerh ngiaimai in Sunhsameh A Chit a sa khomi tu kha nungak pawngah an \u0163hu kho deuh cang. Asinain, Thingtu koko ahcun aho a sa kho le a thiam an um rih lo caah Khar Zel tepawl an van a \u0163ha ti khawh a si. Asinain, a rau lo. Thantlang um Phun Thang nih Thingtu a nile a hong tlawn hna. Phun Thang hi tanghra kum hnih sung a si nain, khuapi lei um kan ti cu, Kawl holh zong a thiam cu a si lo nain mah buicawm hrawng cu a si. Tingtang tum bel hi a laak ci si kaw a thiam ngai. A aw zong a \u0163ha cu a si lo nain Kawl hla sak a thiammi nih \u0163hat a hlawhter ngaingai.<\/p>\n

4<\/strong><\/p>\n

Phun Thang a phanh hnu cun Thingtu nungak pawl nih Lai hla an ngai duh ti lo. Hla hi zusa hei siseh law Lai hla cu a lu bantuk ah aa chuah. Kawl hla hi a taitit hrawng kan ti lai cu. Zulu cu a taitit a um chung kan ei tawn lo bantuk khin Lai hla zong cu khengkam ah nen a tong ve. Midang von chim lo, Mizo hla he Lai hla he duh tawk a \u0163hua tawn le a awrau zong a \u0163ha bak an timi Remh Cung tepawl hmanh an man set ti lo. Phun Thang a van a \u0163hat khunnak cu, atu lio i a laar tukmi Sunhsameh A Chit hi a baihaat dih. A baihaat le a tum a thiam lawng si loin a aw he hrim a rak i kaih ngai. Sunhsameh A Chit a von tongh cang ahcun nungak pawl cu a hla sullam an hngalh lo buin an mitthli duldul in a tla tawn. Phun Thang an zoh ah Ye Ko Ko an mitthlam ah a cuang rua, kawi Phun cu Ye Ko Ko zoh khin an zoh rawh. Hi ruangah hin a si rua, zarh khat hrawng caam i a ra komi cu atu thla hnih leng a tlong cang. Kunza le zureu lo cun ka tingtang tum a tlo lo, ka hlasak kaa a thaw lo a ti hna caah kunza le zureu zong cham lote in Thantlang ah an va zalhpiak peng.<\/p>\n

A van a \u0163hat hoi fawnnak cu, Thingtu khua ah Kawl hla tum thiam tlangval pakhat taktak hmanh an um lomi hi a si. Kawl hla tum thiam a duhmi tlangval nih Phun Thang cu a zelh khin an zelh. A nile lo zong ek pet an vahpiak dih. Ti an dinh lo le rawl an khaih lo lawng khi a si. Cuticun, Phun Thang a nile inn cu music sianginn ko lawh aa tim cang. Asinain, an vanchiatnak cu Thingtu khua ah tingtang tum awktlak tiah ruahmi cu BYF ngeihmi he fonh in pathum lawng a um. BYF tingtang cu le zuun hlasaknak phunphai ah kan siang lo ti a si i hman khawh a si lo. A cawnnak te lawngah kan hman ko lai, tiin an pastor an va nawl len zongah nan tum duhmi le nan cawn dingmi hi zuun hla \u0163heo a si ko lai le, um ko seh. Zuun hla a si hnuhnu cu, hurhuuk tum bu in siseh, la…la…la….la, tiin siseh, na…na…na…na ti phun zong in siseh zeiti sak paoh ah zuun hla cu zuun hla a si ko (Mat. 5:28) a ti, ti si. Cucaah, Phun Zel le Lal Iap nih an ngeihmi tingtang pahnih te lawng, din loin i chawn cio a si. Uikheng Ral Hit nih a rit lioah a rak khuaimi No Hmung tingtang rawk zong saphaw he an belh len nain, a aw a hmaan thlu rih lo ti a si caah hman awk a \u0163ha rih lo.
\nLailei ahhin thil dang koko hi cu hei i hlan cio, hman khawh in hei i pek a va si tawn ko. Nain, tingtang a lak in hlanh tu cu hi chan lioah cun a har hringhran. Tum duh le thai duh cio a si tikah tangka te in i hlan a si. Tangka a ngei lo nih, nihlawh \u0163anh te ding zongin hlan khawh a si. Hiti a si tikah Phun Zel le Lal Iap cu lo kal zong an hau ti lo. An tingtang nih an rian a \u0163uanpiak dih hna. Zeitluk in dah hlan an ton ti ahcun, Than Buang le Duh Za Dim te puai a thaizan tiang khin an i hamcia (booking) dih. A tumtu an tam tikah a hri zong nih a celh ve hna lo i khuapi tlawng pawl sinah cah a tong bikmi hi tingtang hri a si cang. A hlan i cah a tong bikmi cite a laan kan ti lai cu.<\/p>\n

5<\/strong><\/p>\n

Sunhsameh A Chit hi Thingtu lawngah a si lo, Uisih tlang lawng zongah si loin Kawlram pumpi i a laarmi a si tikah, khoika khua paoh, rak i sunhsa lulh cio. Khiahhrap lei zongin tlangval pali an tingtang i pai in an hong choi i Phun Thang sinah Sunhsameh A Chit a tum daan zan thum riak in kan cawng lai ti a si. Saibual le Uikheng lei zong in an hong choi lulh cio. Tlangval a cawngmi le an tingtang ngeihmi aa kaih lo caah thingpheng an saih i cawn man a pe kho lo deuh paoh kha thingpheng cun an cawng ve. A tum lawng si loin a hla zong cu thiam hau hoi kaw, cu ko nih cun a buaiter khun hna. Maktak khin an buai. Sianginn phah lung an laak i Phun Thang nih a \u0163ialpiak hna ko nain Kawl carel thiam lo deuh ngawt an si tikah santlaih dawh a si lo. Cucaah, ar hla sak phun khin a cawnpi hna. Lungvar deuh nih cun a len khatnak hrawng khi cu an baihaat pah cang nain, thluakchia pawl nih cun a tawngh an tawng kho lo. A lung a dong i, hi hla ka thiam lo ruang i nupi ka ton lo si le nupi lo zongin tar mei ning tiin aa phuak tawk zong an um len cang.<\/p>\n

Namchan ngai le sunhsa ngai in tingtangtum le Kawl hla a cawngmi Thingtu tlanval pawl he pehtlai in Uikheng Za Tlir nih a zu vuai paar in a chimmi cu, \u201cmimolh hna, nungak le music cu ralhrang nam in nam phun an si lo hi an hngal hnga lo maw, a ngiar in ngiar phun, sa peel in peel phun pei an si cu,\u201d a ti ti si.<\/p>\n

Tlangval zapi nih an i hneek khawh bak lomi cu, hi hla hi Am, Bb, C# tibantuk a key thlen le hmeh har nih dang khat, plucking phun i thai (tum) a herhmi nih dang khat si kaw cu ko cu an chaihma. Asinain, Than Buang le Duh Za Dim puai zan sa\u0163eihsaw ah ka sak te lai ti saduhthahnak nganpi he aa timlaam pawl tu cu an chei lo na bu tein an i hne \u0163ialmal ko rih hna. Hiti a cawngmi lakah Duh Za Dim \u0163a Ngamh Thang hi a sak in siseh, a tumlei zongah a za cem pawl a si. Duh Za Dim \u0163a a si ruangah, Phun Thang nih \u0163ha deuh in a chimh, hawidang nakcun a kan thleidanh deuh rereng tiin a rak i lungsi lo tawk zong an um len ve. Duh Za Dim cu rak i dawh ve hrim kaw a \u0163apa tingtang chimh hi Phun Thang nih arsa ei lai nakin aa ngaih deuh tawn.<\/p>\n

6<\/strong><\/p>\n

A hla bia a baihaat kho lo pawl nih, chim awk hngalh lo vansan chimpit ah Lai hla in hong kan lehpiak tiah Phun Thang cu an hauh. Hi thil a chuah hlan ahcun Kawl holh a thiam ngai le a naal ngai um khin a um ko nain, atu cu a um sia a rem ti lo. Tingtangtum le Kawl hlasak nana ahcun Thingtu ah aho nih an soisel ngam lo nain, Kawl holh kongkau ahcun Khar Zel tepawl, an saya Bawi tepawl, an pastor tepawl zong an um sawh ti ve rua lai lo. Aho dah a pur kho bik, ahodah a kheng bik tiin nang maw kei aa ti ding lawngte khi an si. Asinain, an hla bia hi felfai deuh in an hon zoh ah an thawchuah aa tet ngai cio. Anmah lila an lung a fiang lomi a um len. Fiang ngai i an hngalhmi hnihkhat hmanh Lai holh in a zeiti sette, a zeiti theng deuh in dah kan leh lai an ti ah an lu an i kheuh len. A hlabia dang cu hei um ko seh, \u201csunhsa meh a chit\u201d hi zeitin dah kan leh lai ti an ruah ah an cal an sur. Ni hnih a rauh hnu ah, an pastor nih \u201csunhsa\u201d cu \u201cpekchanh\u201d a si ko a ti i \u201cI pe chan sih ka dawt\u201d tiin a leh. Khar Zel nih \u201csunhsa\u201d ti cu \u201cnamhchih\u201d a si a ti i \u201cnamhchih sih ka dawt\u201d tiin a leh ve. An saya Bawi nih, \u201csunhsa\u201d cu \u201cpahchih\u201d a si a ti i \u201cpahchih si ka dawt\u201d tiin a leh ve. Asinain an tlangval pawl an lung a tling lo. Sunhsa timi awchuah he an i hlat tuk. A sullam a khen lo zongah a awchuah aa naihmi kan duh, sunhsa timi he aa khah pah lo ahcun nungak pawl nih zei ah an kan rel hlei lai lo, ti a si. Cucaah, Phun Thang nih, \u201csunhsa\u201d cu \u201csungsai\u201d tiin a lehpi hna i tlangval pawl an lung a tling hringhran. An saya Bawi le an pastor tepawl nih \u201csunhsa\u201d a si komi \u201csungsai\u201d i leh rilmal cu, hell a tlak lo ahcun a mak te lai ti phun khin an lu lawng an lei hnawh hna. Nain, an tlangval pawl lungput le mit-au ahhin, i sungsai rih phot ko usih, a herh le hell tu ah i pekchanh khawh, pahchih khawh le namchih nun kan ngeih nakhnga kan sunhsa te mei lai, ti a si. An zeite a poi ruam lo.<\/p>\n

7<\/strong><\/p>\n

A Kawl hla in siseh, Lai bia in an leh chommi in siseh ni le caan a hong rauh bantukin a sa kho le a tum kho tete an hong karh ciahmah. A tum tu hi cu a hla dihlak a tum kho an um rih lo. A sak tu cun, an i zuam ve hraat le a sa kho tete an um pah. Lai hlabia in a sa kho lebang hi cu an tam ngai cang. Kawl hlabia bak tu cun Ngamh Thang le Lal Iap lawng nih a dongh tiang an sak khawh. An sak khawh titik ah, hi hla a phuaktu Maung Zaw Thit tibantuk nih an sak lio an ngaih lehlam tu ahcun Lai holh in an sak an ti \u0163hiam ko hna lai dah. Lai khuate Kawlholh cu hei tuak ko uca, hla chinchap. Asinain, s\u0163eihsaw zan ah Maung Zaw Thit a ra lai lo, Ze Twin zong rat dawh a si lo. Kawl midangdang zong an um lai lo. Anmah Thingtu khuami le Uisih tlang puaizawh cheukhat lawng an si ko lai caah a hlabia (awchuah) an khen tuk lo kongah lungretheih ding a um tuk lem lo. Kawl hla in a sa khomi anmah pahnih nakin a buai deuhmi cu Lai hlabia in a sa pawl hi an si. Zeicatiah, an hla hi minung pakhat lawng nih a let lo, a lettu pali hrawng nih version pali hrawng in an leh tikah, Lai hlabia in kan sa an ti nain an i khat naisai hna lo. Cu nih cun Lai hla in a sami tlangval pawl kar ah lungruallonak tiang khin a chuahpi. Asinain, zapi ko nih cun Phun Thang leh ning deuh hin an sak bik.<\/p>\n

Tahchunhnak i von chim ahcun, \u201cSunhsameh ku chit ze laih ze la, sunhsameh ku chit ze piau” timi hi an pastor nih cun, \u201cPechan sih ka dawtte zul ngam ci, pechan sih ka dawt aw phuang\u201d tiin. Saya bawi nih \u201cPahchih sih ka dawt aw dawi ngam maw, pahchih sih ka dawt aw phuang\u201d tiin. Khar Zel nih, \u201cNamchih sih ka dawt khun zul ngam maw, namchih sih ka dawt khun chim\u201d tiin. Hi ahhin Kawl nih \u201claih \u101c\u102f\u102d\u1000\u1039\u201d an timi ah an i dang hna. Laih cu zul a si ko a tina, dawi zong a si ve ko a tina. Piau (\u1031\u103b\u1015\u102c) kong zongah hin \u2018chim\u2019 tinak a si ko nain hla ahcun \u2018phuang\u2019 hi aa dawh deuh a ti zong an um hoi. Va si ko rih seh. Tlangval pawl nih a awka an ngaih bikmi an Phun Thang nih a leh ve ning tu ahcun, \u201cSungsai sih ka dawt aw zul ngam ci, sungsai sih ka dawt aw phiaung\u201d tiin a leh. \u2018Phiaung\u2019 ti cu zeidah a sullam tiin a buai le a dothlat an tlawm lo. Phun Thang nih zeipoilo ngai khin, phuang tinak a si ko. Piau timi he a awchuah von i khat deuh seh tiah piau le phuang kar in kan phiaung ko hme cu, a ti salam hna. Cuticun,<\/p>\n

Sungsai sih ka dawt aw zul ngam ci, sungsai sih
\nka dawt aw phiaung …<\/p>\n

8<\/strong><\/p>\n

An sungsai sih nih Thingtu khua cu a sungsaiter chin lengmang cang. Than Buang le Duh Za Dim puai cu a sungsai hrim te lai an timi hi ti mawh lo. An puai phanh hlan hmanh ah a rak i sungsaimi an um len cang. Sunhsameh A Chit video zatlaan le hla a laar hnu ah Thingtu khua ah sunhsa ngai le sungsai ngai in a zaammi kawp li rori an si cang. Cu ko nih cun, an sunhsameh a chit cu a linhsat ning a paar le a ziik ah a hun chiah. A linsa deuhdeuh, zaam ding in a rak linsami an tam chin lengmang ve. A zaamcia le aa um cia hmanh a thar in sunhsa \u0163han an lungah a chuak nawn. Atu ning cun an khuapite in i sunhsa dih le i sungsai dih te ding phun khin an um rawh. Asinain, Thingtu an van a \u0163ha. Anmah Thingtu lawng hlah Uisih tlang van\u0163hat bia ti khawh zong a si. An khua ning le an tlaang ning in an i sunhsa manh hlan, an i sungsai dih manh hlan ah, \u0163ahchuak thawng pakhat an theih. An \u0163ah a chuak hringhran.
\nThan Buang le Duh Za Dim puai zan ah tingtang tum ding tiin an cenhmi Phun Thang a thi ti cu a si hraw lo. Thantlang ah a tlung diam ti zong a si fawn lo. Than Buang le Duh Za Dim puai zan ah sa\u0163eihsaw a um \u0163han lai lo ti zong a si thlu lem lo. An puai lai zarh khat a duh ah, thlang khun a dim dingmi an Dimdim le sungsai ngai in Thingtu khua ah chikkhat a hong langmi an Phun Thang, Uisih vasum ah an i sungsai e ti thawng.<\/p>\n

Than Buang a thin sivangh le a lungkuai cu hei chia ko rih usih. S\u0163eihsaw zan sak ding tiah, ni hlawh thlah le ihhmu cim loin tingtang tum a cawng le hlabia a baihaat pawl an nihlawh le an sampaal lengluang. Nihlawh \u0163anh te dingin tingtang a ba in a rak hlaang chungmi tlangval pawl. Tingtang hlan man a faak tuk, hlan duh zongah zapi cu kan co fawn \u0163ung lo tiin lei he ba he tingtang thar dekmak aa ngeihka te tlangval Za Duh tepawl. Than Buang le Duh Za Dim puai a dih bak in kan i sunhsa te lai tiah bia aa kam cangmi Par Hiang le Than Nolh tepawl… An fuhmi meiceu nih a mih taak diam hna ai. An i hngatmi vampang nih a cimh taak diam hna.<\/p>\n

Tlangval zapi cu, kan ri lai maw, kan fim lai ti zong an i khiak kho ti lo. Sa\u0163eihsaw zan ah sungsai ngai in kan tongh te lai tiah Uikheng Cung Irh pi zufa a rak i phiar dikmi Za Duh le Lal Zel tepawl, an zufa an zoh ah an \u0163ah a chuak, zatlak sa zoh khin an zoh. Tlangval lawng an si lo, an khuapi in an \u0163ah a chuak. An \u0163ah chuah daan le a ruang aa dan sawh bia te lawng khi a si.<\/p>\n

9<\/strong><\/p>\n

Phun Thang le Duh Za Dim an zaam zarh khat a rauh ah, Thingtu bawitlang nih an kam seh buin awdar thar an chuah.<\/p>\n