{"id":13678,"date":"2020-07-01T23:54:12","date_gmt":"2020-07-01T17:24:12","guid":{"rendered":"http:\/\/thechinlandpost.info\/?p=13678"},"modified":"2020-07-02T00:02:15","modified_gmt":"2020-07-01T17:32:15","slug":"tuluk-cozah-nih-hong-kong-ah-security-law-a-nunter","status":"publish","type":"post","link":"https:\/\/thechinlandpost.info\/?p=13678","title":{"rendered":"Tuluk Cozah Nih Hong Kong Ah Security Law A Nunter"},"content":{"rendered":"

TCP Online —<\/strong> Tuluk nih Hong Kong khuapi ah Security Law hman ding in nawl a chuah i cucu tuni (July 1) in a nung cang. Tuni July 1 hi British nih Hong Kong cu Tuluk sin a pek thannak kum 23 tlinnak ni a si.<\/p>\n

Hong Kong ah duhlonak langhternak faktak in a um than i duhlonak langhtertu le palek pawl zong hlamihma a pumi tampi an um ti zong theih a si.<\/p>\n

Tuluk nih Hong Kong ca i nawl (hramhram in) a chuahmi Security Law hna cu;<\/p>\n

    \n
  1. Ithencheunak – Tuluk he ramkhat sinak ihrawm duhlo (secession)<\/strong><\/li>\n
  2. Tuluk cozah nawlngeihnak zeiah rel lo (subversion)<\/strong><\/li>\n
  3. Tlerhnak in zapi thin phawh\/phang dingin tuahnak (terrorism)<\/strong><\/li>\n
  4. Thil tha lo tuahnak ah ramdang mi he tuahti<\/li>\n<\/ol>\n

    Hna hi an si. Hi a cunglei phung a buarmi cu thih hlan lo thong thlak khawh a si ti zong Security Law nih cun a langhter.<\/p>\n

    Mah phung pakhat cio nih sullam tampi an langhter, atulio Hong Kong buainak i duhlonak a langhtertu hna nih an tuah tawnmi; zapi hmanmi lam hrawh tibantuk le social media in Tuluk cozah thatlonak tialmi pawl cu a cunglei no.3 nak i (terrorism) ah aa tel hna.<\/p>\n

    Tuni Hong Kong i duhlonak langhternak ah minung pahnih (Tuluk cozah doh in catar aa putmi) an tlaih hna. An phung chuahthar ning a si ahcun mah\u00a0 pahnih hna cu an nun chung thong thlak an si\u00a0 lai.<\/p>\n

    Tuluk cozah nih Security Law a vengtu dingah tiin Hong Kong ah zung zong a hun cang lai i mah phung a buarmi paoh cu Hong Kong ah biaceih ti lo in Tuluk ram ah kuat in biaceih an si cang lai ti zong theih a si.<\/p>\n

    Joshua Wong (23) hi atu lio Hong Kong buainak ah siangngakchia hruaitu i a langsar bikmi pa a si. Amah nih 2016 kum lio ah mino pawl komh in Tuluk cozah dohtu bu pakhat– Demosisto tiin a rak ser. Mah a sermi\u00a0 cu tuni ah a hrawh thannak kong thawng thanhnak a tuah. \u201cSecurity Law a nun cang caah ahohmanh nih thaizing kong kan chim kho ti lo,\u201d tiah a chim.<\/p>\n

    Cubantuk in minung tampi nih tuni ah anmah le an pumpak Twitter, Facebook account pawl tampi an hlonh hna. Media Organization hna zongah Hong Kong ramkhel kong a tialmi minung 100 leng nih an tial ciami vialte zong phiat ter than ding in an nawl hna.<\/p>\n

    Mahti Tuluk nih Hong Kong cung i phung thar a sermi cu atu lio Hong Kong ram i Tuluk cozah duhlonak langhtermi hna hrawh khawhnak bik ah a si tiin Hong Kong ramchung le vawleicung ram hna nih an langhter.<\/p>\n

    UK Prime Minister Boris Johnson nih Hong Kong minung ting 30 (three million) nih an duh ahcun kan ram ah rami sinak an van sok khawh tiah tuni ah thawng a thanh colh ve.<\/p>\n

    Hong Kong cu British (UK) nih 1842 kum in an rak pen hna i kum 150 leng a rak pennak khua a si. British nih 1997 lawng khan Tuluk sinah ap thanmi khua a si. Hiti a rak ap than lio ah hin British le Tuluk cozah nih biakamnak an ngeihmi a rak um. Cucu Hong Kong khuapi hi 2047 kum tiang;<\/p>\n