Salai Holy Tawk Tling Thang| Cabia (article) hi sau nawn in ka tial pah tawn. Asinain, carel huammi taktak lawng nih an rel. Zapi nihcun an rel zuam lo. Cucaah, tutan cu Rampi sernak caah NLD le tlangcung miphun hna tinhmi an i dannak\u00a0 tawifiang te in tial kaa zuam.<\/p>\n
NLD le amah a duh, a uartu nih an i tinhmi a sangbikmi cu \u201cMyanmar rampi hi Democracy tahfung a tlingmi ramthar ser\u201d<\/em><\/strong> hi a si. Hihi Kawl miphun caah a tha tuk nain, tlangcung miphun caah cun a tha dih lo.<\/p>\n Kawl a si lomi tlangcung miphun paoh nih kan duhmi le kan i tinhmi a sang bikmi cu, \u201cFederal Democracy rampi ser\u201d<\/em><\/strong> hi a si. Phundang in cun Federal hram a bunhmi Democracy ramthar ser hi a si. Hihi aa tlukruanmi ramsernak le covo a si caah Myanmar rammi dihlak caah a tha bikmi a si.<\/p>\n Ramkomh hluttaw ah 25% in ralkap nih thutdan 166 an laak cia cang. Hi zong hi thlenremh a haumi a si. Nain, hihi cu hei chia ta phut rih usih. Ramkomh hluttaw caah tlangcung miphun (ramkulh 7) thutdan zapi hi 207 lawng a si. Kawl miphun (region 7) thutdan zapi hi 291 tiang a si.<\/p>\n Hika zawn ah Democracy phungningte in mee thlak ahcun Kawl nih teicia zungzal kan si. Khikhi NLD asiloah Kawl party pawl nih an i duh tuk. Kawl pawl tamdeuh zong nih an duh, an uar tuk fawn. Chin mi tamdeuh zong nih a ruah awk kan hngalh\u00a0 lo ca le (savo) kan i fian lo caah Chinram um Kawl party kha kan tlaihchan, kan uar tuk hnanak cu a si.<\/p>\n Cuti thutdan 291 le thutdan 207\u00a0 in democracy phungningte in mee thlak ahcun Tlangcung miphun cu teicia zungzal kan si caah \u201cDemocracy hram a bunhmi si loin federal hram a bunhmi democracy in\u201d tiah kan aupinak cu a si. Democracy hrambunhmi ahcun mi tamdeuh hnatlaknak in biakhiah zungzal a si. Federal hram a bunhmi democracy ram sernak ahcun \u201cTlukruannak\u201d kha a suttung pi a si. Cu ruang ah \u201cKawl nih fangkhat an co ahcun, Chin zong nih fangkhat co ve\u201d timi bia a rak chuah phahnak kha a si. Hihi Kawl huat le tlangcungmi tanh a si lo, Panglong hnatlaknak biahren \u201ctlukruannak le aa khatmi covo\u201d kha chim duhmi a si.<\/p>\n Cucaah, tlangcung mee 207 cu tlangcung miphun covo le savo bak a si caah tlangcung miphun nih kan laak awk hrimhrim a si ko. Kawl mi savo kha Kawlmi nih la ve ko hna seh. Cucu aa tlukruanmi kan covo cio kha a si.<\/p>\n Tlangcungmi hna nih hin ramkomh cozah le hluttaw thutdan sang ah hmunhma va laak le nawl va ngeih dih khi tinhmi sangbik a si lo. Tinhmi sang bik cu \u201cTlangcung miphun hna nih mah le ramkulh cio ah mahte in khuakhan lairelnak ngeih le mahte in i uk khi\u201d<\/em><\/strong> a si.<\/p>\n Hihi, cozat a dotdot le NLD cozah tiang nih tha an pek lomi a si. Federal phunglam an i fiang lo i ramkomh in an chuak\u00a0 lai ti tu an\u00a0 phang. Federal he aa sengtlai bakmi pohmah 261 remh an duh lomi le amah party nih teinak a hmuhnak ramkulh le ramthen lila hmanh kha anmah duhmi Chief Minister thimnak nawl a pe duh hna lo. Cunglei nih a chakrengh aa fawih deuh dingmi hna kha \u201cCabawm\u201d in Chief Minister le Hluttaw Speaker a thim hna.<\/p>\n Tlangcung miphun hna nih mah le ramkulh cio ah Chief Minister i thim khawhnak nawl le caantha ngei hna sehlaw, central party nih chakrengh le hramhram in thim a um lai lo. Anmahte in mee thlaknak, mi tamdeuh duhnak in an i thim ko lai. Hihi tlangcung miphun party cio nih an kalpimi le an policy cio zong a si. Hi pawl hi rampi le ramkulh sernak caah NLD le Tlangcung miphun party an i dannak suttung pi cu an si.<\/p>\n Salai Holy Tawk Tling Thang<\/p>\n 2020 August 26<\/p>\n <\/p>\n Note: Hi cabia cu catialtu pumpak hmuhning a si.<\/p>\n <\/p>\n","protected":false},"excerpt":{"rendered":" Salai Holy Tawk Tling Thang| Cabia (article) hi sau nawn in ka tial pah tawn….<\/p>\n","protected":false},"author":1,"featured_media":13759,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[144,7],"tags":[],"class_list":["post-13985","post","type-post","status-publish","format-standard","has-post-thumbnail","hentry","category-election","category-opinions"],"_links":{"self":[{"href":"https:\/\/thechinlandpost.info\/index.php?rest_route=\/wp\/v2\/posts\/13985","targetHints":{"allow":["GET"]}}],"collection":[{"href":"https:\/\/thechinlandpost.info\/index.php?rest_route=\/wp\/v2\/posts"}],"about":[{"href":"https:\/\/thechinlandpost.info\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/thechinlandpost.info\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/thechinlandpost.info\/index.php?rest_route=%2Fwp%2Fv2%2Fcomments&post=13985"}],"version-history":[{"count":1,"href":"https:\/\/thechinlandpost.info\/index.php?rest_route=\/wp\/v2\/posts\/13985\/revisions"}],"predecessor-version":[{"id":13986,"href":"https:\/\/thechinlandpost.info\/index.php?rest_route=\/wp\/v2\/posts\/13985\/revisions\/13986"}],"wp:featuredmedia":[{"embeddable":true,"href":"https:\/\/thechinlandpost.info\/index.php?rest_route=\/wp\/v2\/media\/13759"}],"wp:attachment":[{"href":"https:\/\/thechinlandpost.info\/index.php?rest_route=%2Fwp%2Fv2%2Fmedia&parent=13985"}],"wp:term":[{"taxonomy":"category","embeddable":true,"href":"https:\/\/thechinlandpost.info\/index.php?rest_route=%2Fwp%2Fv2%2Fcategories&post=13985"},{"taxonomy":"post_tag","embeddable":true,"href":"https:\/\/thechinlandpost.info\/index.php?rest_route=%2Fwp%2Fv2%2Ftags&post=13985"}],"curies":[{"name":"wp","href":"https:\/\/api.w.org\/{rel}","templated":true}]}}