Salai Bawi Lian Sang| TCP- Kalay| Hnin-si timi UDP (United Democratic Party) party chairman U Kyaw Myint cu thonginn in a zammi case in September 29 zan ah an tlaih kong President zung chimnak nawlngeitu U Zaw Htay nih fehternak bia a chim.<\/p>\n
U Kyaw Myint cu Myanmar Kyone Yeom company dirhtu a si i 1997 December thla ah a company cu min thurhnom (blaclist) cazin ah chiah a rak tong i tangka lei buainak a chuah hnu ah thong kum 9 thlak ding in bia an rak khiahpiak nain thonginn in a rak zaam.<\/p>\n
\u201cHninsi(UDP) Chairman U Kyaw Myint cu nizan September 29 zan ah Yangon aumnak Panhliang Innya ah Palik nih Upadi Pohmah 224 in tlaih in tazacui a si cang. U Kyaw Myint hi a bik in thongtli hmuh in tazacuai a si. Cun Myanmar ram zeitin in a rak lut than ti le hnu lei can zeibantuk minung dah a si ti kha kan dohhlah lio a si\u201d tiah Yangon ramthen Palik bawi nih September 30, zing ah Myanmar Now news ah a chim.<\/p>\n
An tlaihnak kong he pehtlai in UDP party hruaitu cheukhat cu Irrawaddy nih kan pehtlaih hna nain phone an tlaih duh lo. Ralkap lei zong nih U Kyaw Myint an tlaihnak kong tiah an fehter i a dikthliar cu palek phu hal ding in Irrawaddy ah an kan leh.<\/p>\n
Sualnak\u00a0 lei kongkau upadi pohmah 224 cu, \u201cMi zeipaoh mah sualphawt sualnak caah siseh, sualnak a ngei tiah sualphawtmi caah, upadi he aa tlak in tlaihmi kha hramhram in al asiloah cu sualnak caah upadi he aa tlak in tlaih tik i zaam asilole zaam ding in thazaang a chuah ahcun cu nu, cupa cu kumhnih tiang thongthlaknak in siseh, tangka liamternak in siseh, a phunhnih ning in dantat\u201d khawh a si.<\/p>\n
\u201cNizan zan ah Palik nih an tlaih. Thongtli balmi a si caah palik nih an tlaih. Adang kong cu hlathlai lio a si. Palik tuanvo ning in an tuan lio ko\u201d tiah U Zaw Htay nih a chim.<\/p>\n
Upadi Pohmah 224 ah cun upadi bantuk in tlaih a si mi a tli a si\u00a0 lo le tli dingin aa zuammi mi cu thong kum 2 tiang thlakkhawh, Tang ka\u00a0 cuailiam ter he tiah phun hnih in damthat khawhnak upadi ah a um.<\/p>\n
\u201cU Kyaw Myint an rak kawh cu ka hmuh. U Kyaw Myint a lai ah an thut ter in an kal pi. A kut cu an khih lo. Mah hnu suimilam cheu rau ah penguk palik bawi inn ah a ra. A thilri pawl a tang mi a rak lak. Cu hnu ah motor pakhat a ra than hnu ah innchunglut ka duh a ti\u201d tiah mah Innya security pa nih a chim.<\/p>\n
Thongtli U Kyaw Myint cu Rampi cozah nih zeibatuk hnatlalnak he an rak cohlan I, Tuluk ram passport atlaihnak le Canada ram dornak ngei in umkal kho tu a si tiah ceihphai a ton I Party caah tangka tampi a hmangkho tu, Party chungtel hna cu amah Company chung tangka in bawmhnak a pek hna mi cu upadi he aa ralkahmi a si\u00a0 le si lo kong ah President zung nih dothlat a si le si lo mahvialte cu Rampi President zung chimnak nawlngei sin ah Myanmar now nih bia halnak a ngei.<\/p>\n
Hninsi(UDP) U Kyaw Myint @ Micheal Kyaw Myint Hoa Hu hi \u201co\u201d ralkap he aa pehtlaimi a si tiah zumhmi Myanmar KyunYou Company lutlai a rak si bal I 1998 kum ah Myanmar Company Art upadi a rak buar mi le Tangka kong buainak ah Tonginn kum (9) an rak thlak balmi a si tiah kha hlan chan ramkip thawngzamh ca ah an rak langhter bal mi a si.<\/p>\n
Myanmar now nih a dohhlat ciami thongthla cazin ah U Kyaw Myit hi a mah ngeimi Company min chia cazin ah a rak tel balmi Senior General Than Shwe telh in ralkap hruaitu hna sin ah hnatlakpi lonak\u00a0 ca an rak pek hnu ah tlaih a rak ton mi a si.<\/p>\n
1998 kum January 1 ni ah U Kyaw Myint cu Pohmah 2 in tong kum 9 an rak thlak. Kum khat hnu 1999 kum January 19 ni ah Mandalay Siizung pi ah thongtla min in siithlop ding a ra I palik Lu Maw timi pa he an tli I an luat mi a si.<\/p>\n
U Kyaw Myint cu Mandalay Oophuthong in a luat hnu ah USA ram le Canada ram hna refugee in aa rak dor. United Democratic Party (UDP) cu Canada ram ah 2007 kum ah a rak dirh i 2010 thimkum hlan ah ramchung ramkhel party ah tel ve ding in Rampi Commissioner sin ah nawl an rak hal bal hna.<\/p>\n
U Kyaw Myint hi 2013 kum ah Myanmar ram a rak lut hnu ah Party President a tuan peng rih .A party UDP cu 2010 in 2015 kum thimnak ah an rak I zuam natein teinak a hmu lo.<\/p>\n
UDP party cu nihin September 21 ni ah Party Chairman a konglam vialte chimnak ah \u201c1989 kum ah Myanmar ram pumpi daihnak caah a rak tang ngaimi daihnak hruaitu pa a si tiah an chim na tein daihnak lam sernak ah U Kyaw Myint a rak I tel bal ti cu suallam ngei lo\u201d tiah Ralkap chung Dohhlat (MI) bawi hlum nih Myanmar now sin ah a chim.<\/p>\n
Rampi daihnak ah k arak I tel balnak ruang cu Myanmar ram ramkhel hi lutnak a si bantuk in thimnak phunglam kong zong September 26 ni ah Mipi sin biachimnak Television zong ah UDP Chairman U Kyaw Myint nih a chim.<\/p>\n
Cuhlei ah Ramkhel pohmah in thongtlak a rak ton balnak kong zong TV biachimnak ah a telh chih.<\/p>\n
1990 thimnak lio can ah teinak a co tu National Democracy Party Center ah uknak an pek a hau tiah Ralkap bawi sin ah ruahnak a pek hna ruang ah a dihlak mi in thongthlak ka ton hi a si tiah U Kyaw Myint nih mah chan lio thawngzamhnak ah ca a rak tial bal mi a si.<\/p>\n
Tukum thimnak ah party tangka hman ding he pehtlai in U Kyaw Myint i company pakhat a simi Myanmar Kyaw company in tangka dih hram chuahpiak le party lemsoinak caah tangka hmanmi kong ah biahalnak tampi zong a chuak. Cu biahalmi cung ah Myanmar Kyaw company he pehtlai in hngalh duh ahcun tuanvo ngeitu ngunkhuai zung ah hlat khawh a si ko tiah U Kyaw Myint nih party i social media ah a chim.<\/p>\n
UDP party cu 2007 kum ah Canada ram in thawk a si i 2010\u00a0 kum ah Myanmar ram thimnak commission ah No.16 in register a ngahmi a si.<\/p>\n
Hnin-si (UDP) party cu 2020 rampi thimnak caah candidates 1143 an i cuhzuam lai. Atu lio nawlngeitu NLD party chim lo in kuzale tambik aa zuamtu ding party pakhat a si. \u00a0A luancia 2010 thimnak le 2015 thimnak ah UDP party cu an rak cuh ko nain teinak an rak hmu lo.<\/p>\n
UDP party hi 2010 le 2015 thimnak ah Hakha le Thantlang ahcun an rak i cuh kho lo. Asinain, tukum thimnak ahcun Chin ramkulh pengkip ti awk tlak ah an i cuh dih ve lai tiah theih a si.<\/p>\n
Ref: Myanmar Now, Irrawaddy<\/p>\n","protected":false},"excerpt":{"rendered":"
Salai Bawi Lian Sang| TCP- Kalay| Hnin-si timi UDP (United Democratic Party) party chairman U…<\/p>\n","protected":false},"author":1,"featured_media":14372,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[5,144],"tags":[],"class_list":["post-14371","post","type-post","status-publish","format-standard","has-post-thumbnail","hentry","category-burma","category-election"],"_links":{"self":[{"href":"https:\/\/thechinlandpost.info\/index.php?rest_route=\/wp\/v2\/posts\/14371","targetHints":{"allow":["GET"]}}],"collection":[{"href":"https:\/\/thechinlandpost.info\/index.php?rest_route=\/wp\/v2\/posts"}],"about":[{"href":"https:\/\/thechinlandpost.info\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/thechinlandpost.info\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/thechinlandpost.info\/index.php?rest_route=%2Fwp%2Fv2%2Fcomments&post=14371"}],"version-history":[{"count":1,"href":"https:\/\/thechinlandpost.info\/index.php?rest_route=\/wp\/v2\/posts\/14371\/revisions"}],"predecessor-version":[{"id":14373,"href":"https:\/\/thechinlandpost.info\/index.php?rest_route=\/wp\/v2\/posts\/14371\/revisions\/14373"}],"wp:featuredmedia":[{"embeddable":true,"href":"https:\/\/thechinlandpost.info\/index.php?rest_route=\/wp\/v2\/media\/14372"}],"wp:attachment":[{"href":"https:\/\/thechinlandpost.info\/index.php?rest_route=%2Fwp%2Fv2%2Fmedia&parent=14371"}],"wp:term":[{"taxonomy":"category","embeddable":true,"href":"https:\/\/thechinlandpost.info\/index.php?rest_route=%2Fwp%2Fv2%2Fcategories&post=14371"},{"taxonomy":"post_tag","embeddable":true,"href":"https:\/\/thechinlandpost.info\/index.php?rest_route=%2Fwp%2Fv2%2Ftags&post=14371"}],"curies":[{"name":"wp","href":"https:\/\/api.w.org\/{rel}","templated":true}]}}