{"id":16699,"date":"2022-03-21T13:29:30","date_gmt":"2022-03-21T06:59:30","guid":{"rendered":"https:\/\/thechinlandpost.info\/?p=16699"},"modified":"2022-03-21T13:29:30","modified_gmt":"2022-03-21T06:59:30","slug":"cdf-hakha-in-salai-ngun-san-aung-he-biaruahnak-part-ii","status":"publish","type":"post","link":"https:\/\/thechinlandpost.info\/?p=16699","title":{"rendered":"CDF-Hakha in Salai Ngun San Aung he Biaruahnak- Part II"},"content":{"rendered":"

\u201cA caancaan ahcun pe 4-5 hlat in kan i kap. Voikhat cu meithal par thawn a hau, ding tein kan i tinh cun minung a tongh cang lai. Mah tluk aa naih in kan i kah caan zong a um …\u201d<\/p><\/blockquote>\n

The Chinland Post | 2022 March 21 –<\/strong> Ramkulh Kawlram ah February 1 thokin hramhram uknak lak a si hnu ah Kawlram pumpi in pau dothlennak thok a si lio ah Chinram i khuapi a simi Hakha zongah February 8 thokin lamcung chuak in duhlonak langhter a si. Hakha khua duhlo-langternak a hruaitu sianghleirun siangngakchia Salai Ngun San Aung zong aa tel.<\/p>\n

Salai Ngun San Aung hi Yangon University ah Master a kaimi a si i Chin Culture and Literature Committee (CLCC) ah hruaitu pakhat zong a si. Chinram thawngzamh pakhat a simi The Chinland Post zongah kum 3 chung Editor a rak \u1e6duanmi a si.<\/p>\n

Hramhram uknak lak a si hnu Hakha khuachung ah duhlo-langhternak hruaitu pakhat zong a si. Ralhrang nih tlaih ding ah warrant<\/strong> an chuah caah ramtang lut in a tu bantuk in Chinland Defense Force-Hakha i hruaitu a \u1e6duan hi a si. A hmailei a chunmang zeidah a si? Zeiruang dah hriamtlaih hi aa thim? Khonumthung Burmesenih biahalnak an ngeihmi a si.<\/p>\n

Hika ah Khonungthum Burmese<\/a><\/em><\/strong><\/span> ah Kawlca in rel khawh a si.<\/p>\n

Khonumthung Burmese (Khonumthung) \u2013 Hriamtlaih dothlennak thawk a si hnu ah, Chin ramkulh chungah a ngan bik teinak hmuhmi a um maw?<\/strong><\/p>\n

Salai Ngun San Aung (Salai NSA)<\/strong> \u2013 A ngan bik ti cun chim awk a \u1e6dha lo nain kahdohnak vialte ah teinak kan hmu. Nunnak kan thap caan zong a um ve. Ram le miphun caah nunnak pek cu lungsi a si ko. Cucaah, kahdohnak poah hi teinak tiah tuni tiang kan i ruah ko. A nganbik tiah a um theng lo.<\/p>\n

Khonumthung \u00a0\u2013 Dothlennak chungah sungnak tampi ton a si lai, a nganbik sunghnak tiah na chim khawhmi tah zeidah a si hnga?<\/strong><\/p>\n

Salai NSA<\/strong> \u2013 Nunnak pek hi a ngan bikmi sunghnak a si ko lai. Sunghnak hi cu kahdohnak pakhat a can a si ahcun minung nunnak maw, chawva maw, inn le lo sunghnak pawl a um. Kan lungfak bikmi cu Thantlang khangh piak kan tonmi hi a si ko lai.<\/p>\n

Khonumthung \u2013 Atu donthlennak ah hruaitu pakhat dirhmun na phan cang si kaw, dothlennak na tuah hlan ah si na rak duhmi nunning hi zei bantuk dah a si?<\/strong><\/p>\n

Salai NSA<\/strong> \u2013 Khualtlawn hi ka zuam tuk. Dothlennak hlan ah khual hi ka rak tlawng ngai. Europe lei, Asia lei hi ka tlawng kho. Hlathlainak\/Kherhhlainak (Research) tuah hi ka zuam fawn. Kherhhlainak ka tuahmi ca pawl zong an rak um. Kaa rak ruahmi cu Yangon University in Master ka dih hnu ah Hakha College ah rian\u1e6duan i History Subject ka lak caah History kherhhlainak ka tuah lai. Kherhhlainak tuahtu pakhat ka si ahcun, Chin miphun hna nih a phi kan chuah khawh rih lomi kan nunphung pawl le kherhhlainak tampi tuah dih hnu ah cauk ka chuah lai tiah ka rak i ruahmi a si.<\/p>\n

\"\"<\/a>
Catialtu- Salai Ngun San Aung\/Chinbridge – Khonumthung Tlangpar cung ah Hlaithlainak tuah lio – (filed)<\/figcaption><\/figure>\n

Khonumthung \u2013 Na chunmang le a taktak a dan tikah zeitindah feel?<\/strong><\/p>\n

Salai NSA<\/strong> \u2013 Khatlei ah chunmang ka manhmi nunnak a si. Asinain, ka chungah ramkhel thi a rak lut tuk. Cucaah, dothlennak lampi ka zawhmi hi ka lungsi ko. Cun, khrihfa pakhat ka si bantuk in Pathian nih ka umnak ding hmun a simi ah a ka chiah tiah ka ruat. Ka chunmang le a tak nunnak aa dang tuk lo tiah kaa hmuh. Ka lungsi ko.<\/p>\n

Khonumthung \u2013 Dothlennak a dih a si ahcun, hriamtlaihnsk lam hi ma na zulh beh lai? A siloah zeidah na tuah lai?<\/strong><\/p>\n

Salai NSA<\/strong> \u2013 Dothlennak a dih a si ahcun hriam ka tlai ti lai lo. Atu zong hriamtlaih hi ka tlaih huam ruangah si loin tlaih a herh hrimhrim caah a si. Kum 10 a rauh zongah, kum 15 a rauh zongah, ka sam a par dih zongah sianginn ka kai \u1e6dhan ko lai. Ka kaimi Master te hi cu a dihdongh tiang kai \u1e6dhan ka duh ko. Cu hnu cun, mah inn le dum tein khuasak ka duh ko. Ramkhel lei hi cu ka chim cang bang, Pathian nih mahka hmun ah a ka chiah cun phundang. Asinain, a buai tukmi nunnak ah um ka duh ti lo.<\/p>\n

Khonumthung \u2013 Dothlennak cawlcanghnak ahhin, na thin a turter bik til sining pakhat tein na kan chim kho hnga maw?<\/strong><\/p>\n

Salai NSA<\/strong> \u2013 Mipi lei hi hriamhme lawngte hman a si. Anmah lei nih hriamngan hna in an kan kah tawn. Cun, aa naih tein kan i kah caan a um. A caan caan ahcun, pe 4-5 hlat in kan i kah caan a um. Voikhat kan i kahmi cu meithal par thawn a hau, ding tein kan i tinh ahcun minung a tongh cang lai. Mah tluk aa naih cun kan i kah caan a um.<\/p>\n

Khonumthung \u2013 A hnubik ah, mipi sin ah biacah na duhmi?<\/strong><\/p>\n

Salai NSA<\/strong> \u2013 Mah hi raltuknak sawhsawh a si lo. A dik lomi kha a dikmi in kan doh a si. Cucaah, hriamtlaih pakhat lawng a si lo. CDM zong a um. Mipi zong nih thapek chih kan hau. Ram tangah nunnak thap in hriam a tlaimi zong kan um. Thawngzamh lei in a rak \u1e6duanmi an um ve. Eidin a bawmchantu an um. Thla a kan campiaktu an um. Thawng a kan thanhtu zong an um.\u00a0 Ngandamnak lei zong an um. Tu dothlennak hi zingka ah thok i chun ah a dihmi a si lo. A rau khomi a si.<\/p>\n

Cucaah, lungsau tein kan zapi lungrual tein kan nam a si ah cun hmunkhat hnu hmunkhat ah aa thawn ko lai. Kan i tinhmi hmunhma phak khawhnak ding caah a herh bikmi cu lungrualnak hi a si tiah ka zumh. Mipi nih harnak vialte kan pahchih in lungrual tein nam\u1e6di ding ah kan sawm hna.<\/p>\n

Hramhram uktu pawl zong hika hmun hin cah kan duh hna. Pumpak in kan in huat hna a si lo. Asinain, \u1e6dhawnnak i hruhpi in miaknak an chuahpi caah nan fale, nan chungkhar, nan hmailei, an nunnak pawl nan thapmi hi a phu lo. Cucaah, zeitik nan thih lai, zei nan tuah lai ti thei loin ralram ah an in thlah hna.<\/p>\n

Cucaah, mipi pawl he i fonh in a \u1e6dha a dikmi rampi ser ding ah i tel ve uh. Nan fale caah a biapi bik a si. Cucaah, minung pakhat ca si loin, ram le mipi vialte caah kanmah he i fon in Myanmar rampi hi ser\u1e6di hna u sih. Atu bantuk thiltuah hi ngol cikcek u law mipi he i fon cang uh tiah forhfial kan duh hna.<\/p>\n","protected":false},"excerpt":{"rendered":"

\u201cA caancaan ahcun pe 4-5 hlat in kan i kap. Voikhat cu meithal par thawn…<\/p>\n","protected":false},"author":2,"featured_media":16175,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[4,145,15],"tags":[],"class_list":["post-16699","post","type-post","status-publish","format-standard","has-post-thumbnail","hentry","category-chin","category-conflict","category-interview"],"_links":{"self":[{"href":"https:\/\/thechinlandpost.info\/index.php?rest_route=\/wp\/v2\/posts\/16699","targetHints":{"allow":["GET"]}}],"collection":[{"href":"https:\/\/thechinlandpost.info\/index.php?rest_route=\/wp\/v2\/posts"}],"about":[{"href":"https:\/\/thechinlandpost.info\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/thechinlandpost.info\/index.php?rest_route=\/wp\/v2\/users\/2"}],"replies":[{"embeddable":true,"href":"https:\/\/thechinlandpost.info\/index.php?rest_route=%2Fwp%2Fv2%2Fcomments&post=16699"}],"version-history":[{"count":1,"href":"https:\/\/thechinlandpost.info\/index.php?rest_route=\/wp\/v2\/posts\/16699\/revisions"}],"predecessor-version":[{"id":16700,"href":"https:\/\/thechinlandpost.info\/index.php?rest_route=\/wp\/v2\/posts\/16699\/revisions\/16700"}],"wp:featuredmedia":[{"embeddable":true,"href":"https:\/\/thechinlandpost.info\/index.php?rest_route=\/wp\/v2\/media\/16175"}],"wp:attachment":[{"href":"https:\/\/thechinlandpost.info\/index.php?rest_route=%2Fwp%2Fv2%2Fmedia&parent=16699"}],"wp:term":[{"taxonomy":"category","embeddable":true,"href":"https:\/\/thechinlandpost.info\/index.php?rest_route=%2Fwp%2Fv2%2Fcategories&post=16699"},{"taxonomy":"post_tag","embeddable":true,"href":"https:\/\/thechinlandpost.info\/index.php?rest_route=%2Fwp%2Fv2%2Ftags&post=16699"}],"curies":[{"name":"wp","href":"https:\/\/api.w.org\/{rel}","templated":true}]}}