{"id":17357,"date":"2022-05-09T12:14:07","date_gmt":"2022-05-09T05:44:07","guid":{"rendered":"https:\/\/thechinlandpost.info\/?p=17357"},"modified":"2022-05-09T12:36:00","modified_gmt":"2022-05-09T06:06:00","slug":"chin-ramkulh-chung-mipi-ukmak-phu-pawl","status":"publish","type":"post","link":"https:\/\/thechinlandpost.info\/?p=17357","title":{"rendered":"Chin ramkulh chung mipi uknak phu pawl"},"content":{"rendered":"

The Chinland Post | 2022 May 9<\/strong> – Chin ramkulh ah SAC nih hramhram in uknak a lak hnu March thla thok in mipi uknak phu pawl dirh thluahmah a si. Chin ramkulh ah kahdohnak a fah tuk lioah SAC le mipi phu hna cu uknak an i chuh lio a si ve.<\/p>\n

Chin ramkulh chung peng tampi ah NUG lam hruainak in peng kip mipi uknak phu pawl dirh a si i ngandamnak lei, fimak lei, uknak lei hna tawlrel a si. A tulio caan Chin ramkulh ah mipi uknak phu pawl an tha a thawn deuh lio a si tiah ramkhel lei ngiathlaitu Ko Thawng nih hitihin a chim.<\/p>\n

“Uknak phu tam deuh cu CDF nih nih mipi uknak phu an dirh kha hmuh khawh a si. Chin ramkulh khute a tam deuh cu mipi uknak phu hna nih an huap khawh hna tiah chim khawh a si. SAC nih Hakha khuapi, Falam khuapi tiah khuapi chung lawng an tlaih khawh. Khuate hna hi cu an kut chungah a um kho lo tiah chim khawh a si”.<\/p>\n

CNF biachimnak nawl a ngeitu Salai Htet Ni nih Chin ramkulh chung mipi uknak hmual a ngeih khawhnak hnga phu then in dirh a si.<\/p>\n

“A um ciami peng uknak, mah hmunhma te i uknak, biaceihnak phu pawl hmual ngei deuh in rian a kal khawhnak hnga kanmah hmunhma hriamtlai phu pawl chung in raltuknak lei uknak phu pawl he biatak thlak in kan tuan lio a si. Chin ramkulh an mah le hmunhma kip uknak phu pawl he tonnak pakhat ser in Chin ramkulh Chinland Council a phak khawhnak hnga kan i zuam chih lio a si.<\/p>\n

Peng kip mipi uknak phu chungah CDM a tuahmi pawl, Hluttaw palai pawl, mipi lei phu pawl, Democracy a duhmi mino pawl, khuanu khuapa pawl le hriamtlai phu pawl an i tel. Mipi uknak a thawn biknak a simi Mindat khua ahcun, ngandamnak, biaceihnak rian le fimnak lei zong NUG cozah he pehtlai in riantuan a si tiah uknak le fimnak lei chungtel a simi Ko Hung nih a chim.<\/p>\n

“Mindat fimnak lei kong he pehtlai in a hramthok ahcun caantawi te ca kan zoh hmasa. NUG lamhruainak in thla 6 kan on. Hngakchia pawl pehtlai tein fimnak an cawn khawhnak hnga caah tiin kan thok hmasa. A tu cu kumkhat leng dothlennak a fak chin thluahmah. Kum thum li ca ruat chih buin fimnak lei hi hmai kan nor a hau cang. Mindat khua ah Primary School tiang kan on chung rih.\u00a0 Asinain, June thla thok in Middle School on ding kan i timhtuah lio a si. Hmaikum lei cun High School on khawh ding in timhtuahnak kan ngei. Saya\/mah kan i phazo lo tuk”.<\/p>\n

Biaceihnak lei kap ahcun, sualphawtnak pakhat khat a um a si ahcun, Chin miphun kan zulhphung le kan tlaihtleng ning in biachahnak kan tuah tiah uknak lei chungtel pakhat nih a chim. A hlan cozah uknak phung nak in a tu mipi uknak phu uk daan hi hmual a ngei deuh tiah khuami Ko Pi nih a chim.<\/p>\n

” An uk daan a tha tuk, a tlamtling. Uknak lei bawi pawl he zong kan i neihniam. I chawnhbiak tikah a hlan bantuk in harnnak a um lo. Uknak lei bawi pawl an biachahnak zong hmual a ngei khun”.<\/p>\n

Chin ramkulh peng tampi ah, SAC uknak le mipi uknak tiah uknak phun hnih a um caah mipi hna caah harnak a tam deuh khun tiah Mindat peng mipi uknak phu chungtel pakhat nih a chim.<\/p>\n

“Uknak phu nih a um caah a lamkip in tha tein tlaih khawh a si lo. Mipi hna harnak an tong. Kap hnih ning tein mipi nih tih kan si, kap hnih lei nih tha tein kan uk kho veve fawn lo. Cucaah, a karlak umkalnak ah harnak tampi a um. Thilrii phorh le uknak lei ah mipi harnak an tong dih”.<\/p>\n

Mipi uknak phu pawl hi khuate uknak le biaceihnak lei ah thazang an chuah deuh kho i fimnak le ngandamnak lei ah an tha a der ngai rih tiah Chin ramkhel lei ngiatlaitu Ko Thawng nih a chim.<\/p>\n

“Fimnak le ngandamnak lei ahcun a hlan bantuk in an tuahpiak kho ti hna lo. A tu bantuk caan chiat lioah, hngakchia hna an hmailei, fimnak le ngandam lei kong he pehtlai in harnak tampi chungah a thabik in tawl rel a hau ko hnga. A hlan bantuk in cozah pakhat nih a tawlrelpiak mi bantuk in hmual a ngeimi dirhmun cu hmuh khawh a si rih lo”.<\/p>\n

Chin ramkulh mipi uknak phu pawl chanbaunak a um bantuk in an herhbaumi pawl NUG cozah bawmhchannak a um tuk lo mi dirhmun ah mah tein i tawlrel chih a si tiah uknak lei chungtel pakhat nih a chim. Chin ramkulh chungah, a lo cio lomi “PHUN” hriamtlai hna karlak uknak dirh zong a har tuk.<\/p>\n

Peng kip in then a simi mipi hriamtlai phu hna karlak zongah SAC hramhram uknak\u00a0 hrawh cikcek ding in hmuitinh i khah a si ko nain, a dang aa khat lomi hmuitinh zong ngeih cio a si tiah ngiatlaitu hna nih an chim.<\/p>\n

Ref: VOA Burmese News<\/p>\n","protected":false},"excerpt":{"rendered":"

The Chinland Post | 2022 May 9 – Chin ramkulh ah SAC nih hramhram in…<\/p>\n","protected":false},"author":2,"featured_media":17362,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[4,145],"tags":[],"class_list":["post-17357","post","type-post","status-publish","format-standard","has-post-thumbnail","hentry","category-chin","category-conflict"],"_links":{"self":[{"href":"https:\/\/thechinlandpost.info\/index.php?rest_route=\/wp\/v2\/posts\/17357","targetHints":{"allow":["GET"]}}],"collection":[{"href":"https:\/\/thechinlandpost.info\/index.php?rest_route=\/wp\/v2\/posts"}],"about":[{"href":"https:\/\/thechinlandpost.info\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/thechinlandpost.info\/index.php?rest_route=\/wp\/v2\/users\/2"}],"replies":[{"embeddable":true,"href":"https:\/\/thechinlandpost.info\/index.php?rest_route=%2Fwp%2Fv2%2Fcomments&post=17357"}],"version-history":[{"count":3,"href":"https:\/\/thechinlandpost.info\/index.php?rest_route=\/wp\/v2\/posts\/17357\/revisions"}],"predecessor-version":[{"id":17361,"href":"https:\/\/thechinlandpost.info\/index.php?rest_route=\/wp\/v2\/posts\/17357\/revisions\/17361"}],"wp:featuredmedia":[{"embeddable":true,"href":"https:\/\/thechinlandpost.info\/index.php?rest_route=\/wp\/v2\/media\/17362"}],"wp:attachment":[{"href":"https:\/\/thechinlandpost.info\/index.php?rest_route=%2Fwp%2Fv2%2Fmedia&parent=17357"}],"wp:term":[{"taxonomy":"category","embeddable":true,"href":"https:\/\/thechinlandpost.info\/index.php?rest_route=%2Fwp%2Fv2%2Fcategories&post=17357"},{"taxonomy":"post_tag","embeddable":true,"href":"https:\/\/thechinlandpost.info\/index.php?rest_route=%2Fwp%2Fv2%2Ftags&post=17357"}],"curies":[{"name":"wp","href":"https:\/\/api.w.org\/{rel}","templated":true}]}}