The Chinland Post | 2022 September 6 – Myanmar ram dirhmun ruangah Mizoram ah a va dormi Myanmar ralzaam hna caah Mizoram nih innka kan awn zungzal i atu cozah siseh, biaknak lei siseh, mipi phu in siseh bawmhnak kan pek ko hna tiah Mizoram fimcawnnak Minister Pu Lalchandama Ralte nih a chim.<\/p>\n
American ram North California ah Chin Community USA (CCUSA) hruainak in September 2-4 tiang tuahmi Lai Tho puai ah Special Guest in a kaimi Mizoram fimcawnnak Minister nih Mizoram chung ah aa dormi ralzaam kong he pehtlai in a rak chimmi a si.<\/p>\n
Mizoram ah aa rak dormi ralzaam hna him tein an um khawhnak hnga camp kan dirhpiak hna bantuk in ralzaam hngakchia 6,000 deng zong cacawnnak nawl kan pek hna i atu bantuk thil kan tuahnak a ruang hi zeidang ruangah siloin u le nau kan si ruangah a si tiah a chim.<\/p>\n
“Cheukhat nih umnak an tawlrel piak hna, eidin an bawmh hna, Mizoram fimcawnnak Minister a simi keimah dirhmun in ka chim duhmi cu Myanmar ralzaam hngakchia hna an zapi in ca kan cawmter hna, Atulio Mizoram cozah nih sianginn a kai termi hngakchia 6,000 deng zokhenh an si. Sianginn thuam, cacawnnak cauk, chuncaw hna zong cawm an si, hi thil vialte zeiruangdah kan tuah tiah nan kan hal a si ahcun u le nau kan si ruangah a si ko. Fimthiamnnak a sungmi le \u1e6dihphannak in a ummi kan unau pawl him tein ca an cawn khawhnak hnga Mizoram mipi, cozah nih nanmah caah a zungzal in innka a awn ko, a si khawh chungin kan tuah rih ko lai timi kha hika hmun in chim ka duh” tiah Mizoram fimcawnnak Minister nih a chim.<\/p>\n
A sau tukmi tuanbia tangah miphun khat u le nau kan si i vawlei pi ramkhel ruangah Myanmar-India-Bangladesh tiah \u1e6dhencheu in uk kan si bantuk in Myanmar ram a phanmi kha Chin miphun, India a phanmi kha Mizo miphun tiah kan i au ko hna nain a taktak ahcun miphun khat nu le nau kan si tiah a chim fawn.<\/p>\n
Mizoram cu a luancia 1966 ah India sin in zalonnak an hmuh khawhnak hnga hriamtlaih dothlennak an rak tuah i culio caan ah India cozah nih Mizoram mipi hna cungah phun tampi in nuhrin covo an buar i Mizoram mipi tampi zong Chin ramkulh lei ah an rak zaam i culio caah zongah Chin miphun hna nih lunglawm tein an rak don hna tiah Mizoram Minister nih a chim.<\/p>\n
Myanmar ram ah hramhram in uknak lak a si hnu ah SAC ralkap nih nuhrin covo a buarmi, thahnawnnak pawl ruangah Chin ramkulh le Sagaing ram\u1e6dhen Kalay peng mipi tampi cu Mizoram ah an i dor.<\/p>\n
Northeast India ah a ummi Mizoram cu India cozah nih pressure (hnahnawhnak) tampi a pek ko nain Myanmar ralzaam hna phunglut tein a cohlan hna i bawmhnak a pemi ram a si.<\/p>\n
Atulio Mizoram ah Myanmar ralzaam 40,000 hrawng an i dor i Mizoram cozah nih a tawlrel piakmi hna camp ah a tlamtlinnak in an um bantuk in mah tein inn a hlangmi zong an um.<\/p>\n","protected":false},"excerpt":{"rendered":"
The Chinland Post | 2022 September 6 – Myanmar ram dirhmun ruangah Mizoram ah a…<\/p>\n","protected":false},"author":2,"featured_media":19171,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[4,145,6],"tags":[],"class_list":["post-19170","post","type-post","status-publish","format-standard","has-post-thumbnail","hentry","category-chin","category-conflict","category-world"],"_links":{"self":[{"href":"https:\/\/thechinlandpost.info\/index.php?rest_route=\/wp\/v2\/posts\/19170","targetHints":{"allow":["GET"]}}],"collection":[{"href":"https:\/\/thechinlandpost.info\/index.php?rest_route=\/wp\/v2\/posts"}],"about":[{"href":"https:\/\/thechinlandpost.info\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/thechinlandpost.info\/index.php?rest_route=\/wp\/v2\/users\/2"}],"replies":[{"embeddable":true,"href":"https:\/\/thechinlandpost.info\/index.php?rest_route=%2Fwp%2Fv2%2Fcomments&post=19170"}],"version-history":[{"count":1,"href":"https:\/\/thechinlandpost.info\/index.php?rest_route=\/wp\/v2\/posts\/19170\/revisions"}],"predecessor-version":[{"id":19172,"href":"https:\/\/thechinlandpost.info\/index.php?rest_route=\/wp\/v2\/posts\/19170\/revisions\/19172"}],"wp:featuredmedia":[{"embeddable":true,"href":"https:\/\/thechinlandpost.info\/index.php?rest_route=\/wp\/v2\/media\/19171"}],"wp:attachment":[{"href":"https:\/\/thechinlandpost.info\/index.php?rest_route=%2Fwp%2Fv2%2Fmedia&parent=19170"}],"wp:term":[{"taxonomy":"category","embeddable":true,"href":"https:\/\/thechinlandpost.info\/index.php?rest_route=%2Fwp%2Fv2%2Fcategories&post=19170"},{"taxonomy":"post_tag","embeddable":true,"href":"https:\/\/thechinlandpost.info\/index.php?rest_route=%2Fwp%2Fv2%2Ftags&post=19170"}],"curies":[{"name":"wp","href":"https:\/\/api.w.org\/{rel}","templated":true}]}}