The Chinland Post | 2022 September 8 – Myanmar ram ah SAC nih hramhram in uknak a lak hnu thok in thlangchung hriamtlai phu pawl le mipi hriamtlai phu pawl nih kahdoh ruangah SAC sakhaan 90 hrawng an sung cang tiah theih a si.<\/p>\n
Cu chungah raltuknak caah a hmunhma a \u1e6dha tukmi pawl an i tel bantuk in ralram ah a ummi ralkap hna caah eidin, hriam bawmhnak le hmunhma tlaih khawhnak caah a biapi tukmi sakhaan pawl an i tel.<\/p>\n
Atu langhtermi cazin hi hramhram in uknak lak a si hnu 2021 February thok in 2022 September thla tiang kumkhat le cheu chungah an lak khawhmi a si tiah Ethnic Armed Organization (EAOs)\u00a0 sin in The Irrawaddy nih a hlathlai khawhmi a si.<\/p>\n
Kachin ram ah SAC sakhaan a tlawmbik 20 hrawng, Chin ramkulh ah sakhaan 3, Kayah ah sakhaan 19, Karen ram ah sakhaan 12 le Rakhine ram ah sakhaan 36 an sung tiah EAOs sin in theih a si.<\/p>\n
Kachin ram<\/strong><\/p>\n 2021 March thla dongh lei ah Kachin Independence Army (KIA) nih China-Myanmar ramri raltuknak ah a hmunhma a rem tukmi Alaw Bum sakhaan cu a rak lak.<\/p>\n Cu sakhaan cu Kachin ram, Bhamo pengkomh, Dawthponeyan peng ah a ummi a si i ralkap nih 1987 ah an rak lakmi sakhaan pakhat a si.<\/p>\n Cu hnu ah KIA nih Kachin Region People Defense Force (KPDF) a dirh i SAC sakhaan pawl a lak thluahmah.<\/p>\n KIA he aa pehtlaimi nih an chimnak ah hramhram in uknak lak a si hnu ah KIA nih Kachin ram Hpakan peng ah SAC sakhaan 5, Puta-O peng ah sakhaan 3, Danai peng ah sakhaan 2, Bhamo pengkomh ah sakhaan 3, Waimaw peng ah sakhaan 3 le Shwegu peng ah sakhaan cheukhat a lak i Shwegu peng cheukhat sakhaan hna cu doh hau loin anmah tein an chuak tiah theih a si.<\/p>\n Karenni ram<\/strong><\/p>\n Karenni ram ah SAC kahdohnak sakhaan 14 le Palek sakhaan 5 an sung tiah Karenni National Progressive Party (KNPP) sin in theih a si.<\/p>\n KNPP Secretary (1) Khu Denial nih Karenni Army (KA) phufonh nih Mese peng, Hpasawng peng, Hpruso peng, Bawlakhe peng, Demoso peng le Sharrtaw peng chung i kahdohnak sakhaan le palek sakhaan pawl an lak khawh tiah The Irrawaddy ah a chim.<\/p>\n Cu chungah minung 30\/40 hrawng an umnak sakhaan aa tel i cheukhat cu 10\/20 hrawng an umnak zong a um. 2021 ahcun sakhaan 4 lawng an lak khawh nain 2022 ahcun tam deuh an lak khawh cang tiah a chim.<\/p>\n Chin ramkulh\u00a0<\/strong><\/p>\n Chin ramkulh ah SAC nih nih a tlawmbik sakhaan 3 an sung tiah Myanmar ram buainak a hlathlaitu nih an chim.<\/p>\n Chin hriamtlai phu hna nih an lakmi sakhaan pawl cu Thantlang peng, Lungler khua sakhaan le Mindat peng, M’Kuiimnu khua ralkap le palek sakhaan aa fonhmi le Suntaung khua palek sakhaan hna an si.<\/p>\n India-Myanmar ramri Thantlang peng, Lungler khua ah a ummi SAC sakhaan cu Chin National Army (CNA) le CDF nih 2021 September thla ah a rak lak.<\/p>\n Mindat khua hnulei M’kuiimnu khua ah a ummi ralkap le palek 30 leng an umnak sakhaan cu CDF-Mindat nih 2021 July ah an rak lak.<\/p>\n Cun Mindat peng Suntaung sakhaan zong CDF-Mindat nih kah lai an phan ruangah an zaamtak.<\/p>\n Karen ram<\/strong><\/p>\n Cun kahdohnak atu le atu a chuahnak Karen ram zongah SAC nih an sakhaan 12 nak tlawm lo an sung tiah Karen National Union (KNU) cazin in theih a si.<\/p>\n KNU battalion 5 hram an bunhnak Hpapun pengkomh ah Tawlayhta, Timuhta le Kyaukhyat sakhaan hna SAC nih a sung i KNU battalion 6 hram an bunhnak Dupalaya pengkomh ah Mawkhi le Thaebawbu sakhaan hna an sung.<\/p>\n KNU battalion 3 hram an bunhnak Mone peng ah SAC nih Kawpin sakhaan, Kyaungsu sakhaan, Kyaungpya sakhaan, Aunglaung sakhaan le Kyunpin sakhaan tiah sakhaan 5 a sung.<\/p>\n Rakhine ram<\/strong><\/p>\n Rakhine ram ah SAC nih sakhaan 35 a sung tiah Myanmar ram buainak a hlathlaitu cheukhat nih an chim.<\/p>\n SAC nih a sunghmi sakhaan pawl hi Rakhine ram, Maungdaw peng chungah sakhaan 30 le Paletwa peng ah sakhaan 6 an si tiah Myanmar ram buainak a hlathlaitu pakhat nih a chim.<\/p>\n Paletwa peng chungah sakhaan 5 cu 2022 August thla dongh lei ah AA nih a lak i Paletwa ni chuahlei battalion 55 sakhaan cu AA nih a kulh i phihkharnak a tuah ruangah kahdohnak um loin an chuaktak tiah a chim.<\/p>\n Maungdaw ah SAC sakhaan an sunghmi hi AA nih phungning tein a thanhmi nakin a tam deuh kho i 30 hrawng a si kho men tiah a ruahdamh.<\/p>\n Sagaing le Magway\u00a0<\/strong><\/p>\n SAC nih tlangcung hriamtlai pawl an umnak hmunhma ah a sakhaan a sungh bantuk in PDF pawl an cawlcanghnak Sagaing le Magway ram\u1e6dhen hna zongah an sunghmi sakhaan pawl a um ko nain a zat fiang in kan thei lo tiah hlathlaitu pawl nih an chim.<\/p>\n","protected":false},"excerpt":{"rendered":" The Chinland Post | 2022 September 8 – Myanmar ram ah SAC nih hramhram in…<\/p>\n","protected":false},"author":2,"featured_media":19229,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[5,4,145],"tags":[],"class_list":["post-19228","post","type-post","status-publish","format-standard","has-post-thumbnail","hentry","category-burma","category-chin","category-conflict"],"_links":{"self":[{"href":"https:\/\/thechinlandpost.info\/index.php?rest_route=\/wp\/v2\/posts\/19228","targetHints":{"allow":["GET"]}}],"collection":[{"href":"https:\/\/thechinlandpost.info\/index.php?rest_route=\/wp\/v2\/posts"}],"about":[{"href":"https:\/\/thechinlandpost.info\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/thechinlandpost.info\/index.php?rest_route=\/wp\/v2\/users\/2"}],"replies":[{"embeddable":true,"href":"https:\/\/thechinlandpost.info\/index.php?rest_route=%2Fwp%2Fv2%2Fcomments&post=19228"}],"version-history":[{"count":3,"href":"https:\/\/thechinlandpost.info\/index.php?rest_route=\/wp\/v2\/posts\/19228\/revisions"}],"predecessor-version":[{"id":19232,"href":"https:\/\/thechinlandpost.info\/index.php?rest_route=\/wp\/v2\/posts\/19228\/revisions\/19232"}],"wp:featuredmedia":[{"embeddable":true,"href":"https:\/\/thechinlandpost.info\/index.php?rest_route=\/wp\/v2\/media\/19229"}],"wp:attachment":[{"href":"https:\/\/thechinlandpost.info\/index.php?rest_route=%2Fwp%2Fv2%2Fmedia&parent=19228"}],"wp:term":[{"taxonomy":"category","embeddable":true,"href":"https:\/\/thechinlandpost.info\/index.php?rest_route=%2Fwp%2Fv2%2Fcategories&post=19228"},{"taxonomy":"post_tag","embeddable":true,"href":"https:\/\/thechinlandpost.info\/index.php?rest_route=%2Fwp%2Fv2%2Ftags&post=19228"}],"curies":[{"name":"wp","href":"https:\/\/api.w.org\/{rel}","templated":true}]}}