{"id":3679,"date":"2018-05-26T12:47:39","date_gmt":"2018-05-26T07:17:39","guid":{"rendered":"http:\/\/thechinlandpost.info\/?p=3679"},"modified":"2018-05-26T12:47:39","modified_gmt":"2018-05-26T07:17:39","slug":"pur-june-thla-%e1%b9%adhitumh-hrial-a-hau-maw","status":"publish","type":"post","link":"https:\/\/thechinlandpost.info\/?p=3679","title":{"rendered":"Pur (June) Thla \u1e6chitumh, Hrial A Hau Maw?"},"content":{"rendered":"

CHIN DIGEST, Vol. 1\/No. 1|<\/strong> Laimi nih Pur (June) thla \u1e6dhitumh kan hrial, a \u1e6dha lo ti a si. Pur (June) \u1e6dhitumh a hrialmi hi Laimi dihlak kan si le si lo ka hngal lo nain Hakha Thantlang hrawng nih cun kan \u1e6dih ngai. Pur (June) \u1e6dhitumh a \u1e6dhat lonak a ruang dikfel tak hi ka banh khawh lo caah cuka cauk ah cu nih a \u1e6dial tiin ka langhter kho lo. Asinain Pur (June) \u1e6dhitumh kan hrialnak he pehtlai in an chim ciomi pathum ka langhter hmasa.<\/p>\n

1. June thla cu zuunngaihnak a si caah June thla \u1e6dhitumh a \u1e6dha lo, ti a si.<\/p>\n

2. Lai nithla relning in June thla hi Pur ti a si i, pur ti cu hrihhram pelh, pur va phiar le purnak, i \u1e6dhenhmalnak lei in a chimmi zong an um.<\/p>\n

3. Pur thla cu Laimi khuasak tintuknak ah kan eidin tirawl a donghcah bik lio a si caah pur thla \u1e6dhitumh cu a si kho lo an ti caah si, a timi zong um a si.<\/p>\n

A dang a ruang pawl an um men lai nain an chimrelmi ka theih tawk a si. A hrihhram fiang in kan theihhngalh dih lomi kha kan nunnak a \u1e6dem\u1e6dawntu ah kan hman peng hi a dik maw ti hi ruah a hau rua ka ti. Keimah ka tuaknak sawh ah Laimi chung in aa \u1e6dhi-ummi a tam bik hi Malaysia um Laimi kan si lai tiin ka tuak. 2015 January in May tiang Chin Christian Fellowship (CCF) Malaysia lawng (milu 8000 hrawng) ah tuah 71 kan lehthah hna nain June thla ahcun tuah khat lawng an i thi-um. Atu hi ca ka \u1e6dial July chung ah aa \u1e6dhi-ummi an karh thluahmah \u1e6dhan cang. A ruang June thla an hrial tinak. Lailei zong ah a si, June thla \u1e6dhitumh cu a si kho lo, an ti tawn i aa tlumrem naloin May 30, 31 tibantuk ah a hnawh in aa hnawhmi an um len. Hiti June thla kan hrialnak hi a cunglei ka langhtermi sining pathum ruang ah maw a si, a zeidang ruang ah ti cu ka fiang ve lo. Nain Laimi nih June thla \u1e6dhitumh cu kan \u1e6dih rereng ti cu i pheh khawh a si lo.<\/p>\n

Laimi nih June thla \u1e6dhitumh kan hrial a herh lo, tiin ka ruah. Cuti ka ruahnak a ruang cu tutan capar nih aa tinh bikmi a si. Ka ruahnak a ruang pawl ka langhter lai.<\/p>\n

1. A cunglei June thla \u1e6dhitumh kan hrialnak a ruang kan puhmi zoh tik ah \u1e6dhitumh hrialnak ah hram fek an si lo taktak. A ruang cu, atu kan hmanmi nithla relnak Calendar i June timi le Laiholh i zuunngaihnak timi hi a zeihmanh pehtlaihnak a ngei lomi a si. Ti le mei bantuk an si deih.<\/p>\n

2. Pur thla a si caah kan i \u1e6dhenhmal lai, kan hrihhram a pelh lai, kan cim lai, kan tlu lai timi ruahnak hi hei si ko sehlaw ho nih dah hmailei kong fiangte in a hngalh khawh. A rengreng ah Pur thla ah aa \u1e6dhi-ummi tuah zeizat dah an i \u1e6dhenhmal i a hrihhram a pelh__hlathlainak hram fek zong kan ngeih lomi a si. Pur thla i \u1e6dhitumh ruang ah hrihhram pelh, puicimh le kuaihmal nakin aa \u1e6dhi-umtu le kaphnih chungkhar lungput chambaunak tu hi chungkhar tluknak a si deuh men lai.<\/p>\n

3. Pur thla cu eidin tirawl donghcah thla, purphiar thla ah \u1e6dhitumh tuah cu sining nih a phan lo timi hi a hlan pipu chan ahcun a dik men lai\u2014atu cu a dik hlei ti lo. A ruang cu atu Laimi koko ah Pur thla phak hlan ah eidin kan dongcat viar ko i pei Kawl rasen lawngte in kan i cawm cang ko hi. A bikin Hakha peng le Thantlang peng dihlak ah amah leikuang le tlanglo tein aa cawmmi cu chimrel ding an tlawm tuk cang\u2014Kawl rasen lawngte kan bawh cio ko cang caah Pur thla hi kan donghcah bik thla a si hlei ti lo.<\/p>\n

Tuak hmanh, Laimi nih June thla \u1e6dhitumh a hrial in kan hrial lio ah ramdang pawl nih an hrial hlei naisai lo. June thla \u1e6dhitumh hi a tha bak lomi a si ahcun Laimi ca lawng ah that lo ding a si lo, mi vialte caah a that lo ding a si hnga. Laimi ca i that lo, miphun dang ca vial i a that ahcun sullam a ngei lo tinak a si.<\/p>\n

Midang aa \u1e6dhi-ummi cu va um hna seh\u2014June 28 chuak Euro Sport Journal nih a \u1e6dialning ah June zarh thumnak lawng bak hmanh ah \u1e6dhitumhnak a tuahmi vawlei cung pumpululh chuih thiam minung 12 rori \u1e6dhitumhnak an tuah ai. Annih caah June thla \u1e6dhitumh cu a \u1e6dih an \u1e6dih lo, a \u1e6dha lo tiin a hrial hrim an hrial hlei lo\u2014an zeihmanh a poi lo. An i lawmh \u1e6dhat\u1e6dhat hmanh ti awk \u1e6dha lo. Cu laklai ah kannih Laimi nih June thla \u1e6dhitumh a hrial rumro in kan hrial hi cu ruah \u1e6dhan a hau ko rua. June thla \u1e6dhitumh kan hrialmi hi zei a si huaha lomi kan vai i sonhtarh sawhsawhmi a si rua, tiin ka ruah.<\/p>\n

Kan pipu chan in a \u1e6dha lo an timi a si caah cucu kan zulh awk a si ko, tiin a dirpitu kan um men ko lai. Asinain kan pipu chan nuncan khuasak tintuk le atu kan chan nuncan khuasak tintuk aa lo ti lo\u2014aa dang tuk cang. Kan pipu nih a \u1e6dha lo an timi hrial hi a \u1e6dha ko lai, nain nunnak a bawmtu cawnpiaknak a si maw si lo ti zong zoh a hau. A tak ah kan pipu nih an rak hrialmi firtlei, ziknawh, le a dang nunzia \u1e6dha lo vialte kan hrial hlei \u1e6dung lo. Cu pin ah, kan pipu khuaruahmi kha nihin kan chan caah a \u1e6dhahnem ti lomi an tampi\u2014a \u1e6dhami cu kan dirpi ding a si, kan tharchuah ding a si, kan phozar ding a si. Nain atu kan nunnak ah \u1e6dhathnemnak, hlawknak, santlaihnak a kan pe lomi cu ruah \u1e6dhan a herh cang.<\/p>\n

Pathian nih ni le caan a ser ahhin hi ni hi a chia deuh, a \u1e6dha deuh tiin a ser hleimi pakhat hmanh an um lo. A chia a \u1e6dha tiin thleidan a hmangmi cu ni le caan a hmangmi kanmah biathlehnak tu a si. Cu kan hmanmi khuaruahnak cu kan nunnak a bawmtu a si le si lo zohthiam a biapi ngaingai. A tak ah cun Pathian nih ni le caan a serka ah hihi June thla siseh law Laimi nih \u1e6dhitumh hrial hna seh tiah min a pekmi le nawl (order) a chuah hnawhmi zong a si lo, minung nih khiah chommi a si ko. Cucaah June thla \u1e6dhitumh hrial hi Pathian program chung ah cun i tel dawh a si lo.<\/p>\n

Kawlram dirhmun in zoh tik ah \u1e6dhitumh vial i kan hrial ngaimi June thla hi fimthiam cawnnak ah Kawlram cun sianginn kai i thok caan a si. Sianginn kai i thoknak caah June thla kan ser cu fimthiamnak hram kan i thok thla ti khawh a si. Fimthiam i thok thla ah Kawlram nih kan sermi kha Laimi nih chungkhar dirh i thoknak caah hrial hlei a herh fawn hnga lo. Cu pin ah, Laimi leikuang a ngei poh June thla in leithuan i thok a si fawn. Kan pawcawmnak ah kan i thok thla a si ti khawh a si rih cu mu. Cu bantukin kan hman ngaimi kan i thoknak June thla cu \u1e6dhitumhnak thengtheng i kan hrial hi kan ralchiat bia a si.<\/p>\n

June thla \u1e6dhitumh hrial hi Pathian sermi ni le caan a hmangtu kanmah nih kan nawnnok sawhsawhmi a si. Indirect in Pathian sermi ni le caan kan sunhsak lo phunkhat a si hnga cu mu. Cu pin ah, kan caah san a tlai theng lomi khuaruahnak le sonhtarhnak tha kan pek a si rih__a bimi kan khuaruah kan thleng kho rih lo tinak a si.<\/p>\n

June thla \u1e6dhitumh hrial nakin hrial a herh deuhmi cu i duh lo bu in fonhtonh chom \u1e6dhitumh te hna, mi zei a va si poh ah ramdang in hun cah le cangka fanu hneekchom in pasal ngeihter te hna, i \u1e6dhitumh hlan i rak buar viar le buhcung rak hui viar te hna. Cu pin ah, lamkam lamphawk kam i ekek te hna, zalam thlurpi kam i mi inntungkam zunzun kan hmanmi te hna zong hrial deuh ding an si.<\/p>\n

June thla nih keimah hi June thla ka si ti zong aa hngal lo. Laimi an i \u1e6dhitumh ahcun a \u1e6dha lo i chiat ka serh hna lai timi ruahnak zong a ngei lem lo. Thla pohpoh cu an i khat dih. June thla le December thla aa dannak a um lo. A hmangtu lungput nih a hei dan sawhsawhmi a si. Pathian pekmi ni le thla, kum le caan cu an \u1e6dha dih, an i tluk dih, an i ruang dih. A hmangtu nih kan nunnak caah \u1e6dhathnemnak, lawmhnak, teinak le hlawhtlinnak le sertu Pathian sunparnak caah kan hman dingmi ni le caan tu an si.<\/p>\n

Hi cabia hi bia i el len dingin ka hun chuahpimi a si lo\u2014bia-el zong ka huam pek lo. Ka ruahnak ka hun chuahpimi a si. Na lung a tlin lo zong ah a poi lo. Kan khuaruahnak bawmtu ah a si ve hmanh maw ti ruahnak he ka hun thai.<\/p>\n

Lian Chawn<\/p>\n

2015 June 9\u2014Chikkhat Malaysia.<\/p>\n

Theiternak: Hi capar cu Chin Digest Vol 2, No. 1 (February 2016) ah a rak chuak cangmi a si.<\/em><\/p>\n","protected":false},"excerpt":{"rendered":"

CHIN DIGEST, Vol. 1\/No. 1| Laimi nih Pur (June) thla \u1e6dhitumh kan hrial, a \u1e6dha…<\/p>\n","protected":false},"author":2,"featured_media":3680,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[10],"tags":[],"class_list":["post-3679","post","type-post","status-publish","format-standard","has-post-thumbnail","hentry","category-chin-digest"],"_links":{"self":[{"href":"https:\/\/thechinlandpost.info\/index.php?rest_route=\/wp\/v2\/posts\/3679","targetHints":{"allow":["GET"]}}],"collection":[{"href":"https:\/\/thechinlandpost.info\/index.php?rest_route=\/wp\/v2\/posts"}],"about":[{"href":"https:\/\/thechinlandpost.info\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/thechinlandpost.info\/index.php?rest_route=\/wp\/v2\/users\/2"}],"replies":[{"embeddable":true,"href":"https:\/\/thechinlandpost.info\/index.php?rest_route=%2Fwp%2Fv2%2Fcomments&post=3679"}],"version-history":[{"count":1,"href":"https:\/\/thechinlandpost.info\/index.php?rest_route=\/wp\/v2\/posts\/3679\/revisions"}],"predecessor-version":[{"id":3681,"href":"https:\/\/thechinlandpost.info\/index.php?rest_route=\/wp\/v2\/posts\/3679\/revisions\/3681"}],"wp:featuredmedia":[{"embeddable":true,"href":"https:\/\/thechinlandpost.info\/index.php?rest_route=\/wp\/v2\/media\/3680"}],"wp:attachment":[{"href":"https:\/\/thechinlandpost.info\/index.php?rest_route=%2Fwp%2Fv2%2Fmedia&parent=3679"}],"wp:term":[{"taxonomy":"category","embeddable":true,"href":"https:\/\/thechinlandpost.info\/index.php?rest_route=%2Fwp%2Fv2%2Fcategories&post=3679"},{"taxonomy":"post_tag","embeddable":true,"href":"https:\/\/thechinlandpost.info\/index.php?rest_route=%2Fwp%2Fv2%2Ftags&post=3679"}],"curies":[{"name":"wp","href":"https:\/\/api.w.org\/{rel}","templated":true}]}}