{"id":4377,"date":"2018-06-23T12:50:21","date_gmt":"2018-06-23T06:20:21","guid":{"rendered":"http:\/\/thechinlandpost.info\/?p=4377"},"modified":"2018-06-23T12:50:21","modified_gmt":"2018-06-23T06:20:21","slug":"nunnak-lamthluan-ah-thazaang-petu-tuanbia-4-2","status":"publish","type":"post","link":"https:\/\/thechinlandpost.info\/?p=4377","title":{"rendered":"Nunnak Lamthluan Ah Thazaang Petu Tuanbia (4)"},"content":{"rendered":"<p style=\"text-align: justify;\"><em><strong>The Chinland Post| 2018 June 23| <\/strong><\/em>A hlan ah, chizawh le vok hi hawikom tha an si i nikhat cu lam an i chawhnak ah chizawh cu khurthuk ah a tla sual ai. Vok nih hri sau mi pakhat cu a va kawl zokzok i, chizawh nih hri cu amah sinah chanh ding in a chimh. Vok nih cun, hri cu a kualkual in chizawh sinah cun a thlak. Cu tikah chizawh cu a hin a hung tuk i, \u201c Hi bantuk piin cun hri cu na rak thlak, zeitin dah kai khawh seh na ka ti,\u201d tiah a au hnawh.<!--more--><\/p>\n<p style=\"text-align: justify;\">\u201c Asi ahcun, zeitin dah ka tuah lai?\u201d tiah vok nih a hun hal than. \u201c Na kut khat in ta na tlaih lai,\u201d tiah chizawh nih a leh le cangka in vok cu \u2018put\u2019 tiah khorchung ah cun a zuang i hri cu a lak zok. \u201c Hi hnu in ta, zeitin ka tuah lai?\u201d tiah vok nih a hal tikah, chizawh cu thangpi in a tap. Asinain, tlawmpal ah a nuam tuk i vok cu a fek tein a kuh i, \u201c Ka lawm tuk, ka hawi\u201d tiah a ti. Hi tuanbia nih a kan chim mi cu, cheukhat hawile hna siseh, na pawngkam minung hna cu an thluak a tha lo, an fimthiam lo. Asinain, na pawngkam a zungzal in an umpi i zei bantuk harnak le zatlaknak na ton hmanh ah nangmah leikap in a dirtu ding an si.<\/p>\n<p style=\"text-align: justify;\">(2)<br \/>\nNikhat cu mitcaw pakhat pa nih meiceu i put in a dir ko kha lam a chawk mi pakhat pa nih a hmuh tikah, \u201cNa mit a hmuh tung lo ah, hitin meiceu he na dir mi zeidah an that hnemh lai?\u201d tiah a hal. \u201cMinung hi ni a tlak le cangka in keimah bantuk in zei hmanh an hmuh lo tiha ka theih bal. Cucaah, an hmuh khawhnak ding caah hitin meiceu ka putnak hi a si,\u201d tiah mitcaw pa nih a leh. Pakhat pa cu a khuaruahhar le mitcaw pa thinlung put a upat tuk i, \u201cNa thinlung that le mi cung dawtnak na ngeihnak a san zia mu,\u201d tiah a thangthat. Cu a biadih cangka in mitcaw pa nih,\u201d A taktak ah cun hitin mei kaa put mi cu keimah caah a si. A ruang cu minung nih a muihnak ah mei an hmuh hnu cun, keimah kha an ka pah kho ti lai lo,\u201d tiah a ti. Cu tikah lawm a chawk mi pa nih; \u201c Aw\u2026.., minung kip hi mi caah thatnak le bawmhnak kan tuah kan ti len ko nain kanmah caah a that khawhnak bik lam cu kan hlaw kho hrim lo hi ta,\u201d tiah a ti.<\/p>\n<p style=\"text-align: justify;\">(3)<br \/>\nNikhat cu riantuannak in a rak tinmi pakhat pa nih a hawipa cu a lungtlin lonak thil kong a chimh. \u201c A tuan cu kanmah nih kan tuan dih. Asinain, thangthatnak a cotu cu khi haotu pa peng. Atu cu, a rian a kai i boss tiah auh a hau cang. A dik lo, thil tuah mi cung ah lungtlin khawh a si lo,\u201d tiah a phunzai. A hawipa nih cun, hahaha\u2026tiah a nih pah khin, \u201c Atu naa khih mi na suimilam kha zoh hmanh a tawi deuh mi a tung hnu lawng in a sau mi kha na zoh a si lo maw? A taktak in rian a tuantu second tung cu a voikhat te hmanh khi na zoh bal ve lo cu,\u201d tiah a ti. Cu tlawmpal ah a hawipa nih a fian mi cu, \u201c Minung kan nunnak ah second timi a tung pakhat a um caan poh cu lungtlin lonak vialte hna cu a sawhsawh men le santlai lo rian an si. Cucaah\u2026\u2026 second in minute ah, minute ah suimilam a tung lei tiang phak khawh ding tu in ka zuam hmasa a herh,\u201d tiah amah tein thazaang peknak a ti.<\/p>\n<p style=\"text-align: justify;\">(4)<br \/>\nNikhat ah siangngakchia pa pakhat cu a ca chimtu saya nih, \u201c Na hmai karkhat na hlan ahcun na thi lai. Cu bantuk thiamthiam in na hnu lei karkhat na thon ah cun na mit a caw lai tiah thim ding siseh law zeidah na thim lai,\u201d tiah a hal. Cu tikah siangngakchia pa nih, \u201c A kam lei asiloah a sir lei in ka pah lai, saya,\u201d tiah a leh than. Hi nih, a fianh mi cu kan nunnak a um chung poh cu a dong mi lam cu a um lo. Zei bantuk harnak le hnesaknak si hna hmanh sehlaw a dang lei kap in a zoh thiam le a hmuh thiam in kan i fian i, kan zulh tu kha a biapi mi a si. Cucaah, zei bantuk kan ton mi thil kip ah a ong mi lam cu a um ko ti zumhnak he hi ca hi ka tial.<\/p>\n<p style=\"text-align: justify;\">Theihternak: Mah hihi cauk pakhat ah ka rel mi a si i, khoika cauk ah ka rel timi ka cing ti lo. Na theih sicun chungkuh2@gmail.com ah nan ka chimhnak lai kan nawl hna. Deirel Cazual ah chuah cangmi a si.<\/p>\n<p style=\"text-align: justify;\"><strong>Salai Van Bawi Mang<\/strong><br \/>\n<strong>Taunggyi<\/strong><br \/>\n<strong>2017 April 2<\/strong><\/p>\n","protected":false},"excerpt":{"rendered":"<p>The Chinland Post| 2018 June 23| A hlan ah, chizawh le vok hi hawikom tha&#8230;<\/p>\n","protected":false},"author":2,"featured_media":4378,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[7],"tags":[],"class_list":["post-4377","post","type-post","status-publish","format-standard","has-post-thumbnail","hentry","category-opinions"],"_links":{"self":[{"href":"https:\/\/thechinlandpost.info\/index.php?rest_route=\/wp\/v2\/posts\/4377","targetHints":{"allow":["GET"]}}],"collection":[{"href":"https:\/\/thechinlandpost.info\/index.php?rest_route=\/wp\/v2\/posts"}],"about":[{"href":"https:\/\/thechinlandpost.info\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/thechinlandpost.info\/index.php?rest_route=\/wp\/v2\/users\/2"}],"replies":[{"embeddable":true,"href":"https:\/\/thechinlandpost.info\/index.php?rest_route=%2Fwp%2Fv2%2Fcomments&post=4377"}],"version-history":[{"count":1,"href":"https:\/\/thechinlandpost.info\/index.php?rest_route=\/wp\/v2\/posts\/4377\/revisions"}],"predecessor-version":[{"id":4379,"href":"https:\/\/thechinlandpost.info\/index.php?rest_route=\/wp\/v2\/posts\/4377\/revisions\/4379"}],"wp:featuredmedia":[{"embeddable":true,"href":"https:\/\/thechinlandpost.info\/index.php?rest_route=\/wp\/v2\/media\/4378"}],"wp:attachment":[{"href":"https:\/\/thechinlandpost.info\/index.php?rest_route=%2Fwp%2Fv2%2Fmedia&parent=4377"}],"wp:term":[{"taxonomy":"category","embeddable":true,"href":"https:\/\/thechinlandpost.info\/index.php?rest_route=%2Fwp%2Fv2%2Fcategories&post=4377"},{"taxonomy":"post_tag","embeddable":true,"href":"https:\/\/thechinlandpost.info\/index.php?rest_route=%2Fwp%2Fv2%2Ftags&post=4377"}],"curies":[{"name":"wp","href":"https:\/\/api.w.org\/{rel}","templated":true}]}}