{"id":8120,"date":"2019-02-15T13:51:34","date_gmt":"2019-02-15T07:21:34","guid":{"rendered":"http:\/\/thechinlandpost.info\/?p=8120"},"modified":"2019-02-15T13:51:34","modified_gmt":"2019-02-15T07:21:34","slug":"u-ko-ni-a-thattu-u-kyi-lin-le-aung-win-zaw-thihdan-an-pek-hna","status":"publish","type":"post","link":"https:\/\/thechinlandpost.info\/?p=8120","title":{"rendered":"U Ko Ni A Thattu U Kyi Lin Le Aung Win Zaw Thihdan An Pek Hna"},"content":{"rendered":"

TCP-Thantlang| 2019 February 15|\u00a0<\/strong><\/em>NLD party upadi lei ruahnak petu upadi thiamsang U Ko Ni cu Yangon International Airport ah meithal in a kaptu U Kyi Lin le ahmuh (case) he aa pehtlaimi Aung Win Zaw cu Yangon thlanglei pengkomh biaceih zung nih February 15 ah thihdan pek in bia a chahpiak hna tiah kan theih.<\/p>\n

U Ko Ni ahmuh he pehtlai in meithal in a kaptu Kyi Lin le tangka pek in a fialtu Aung Win Zaw cu thih hlan lo hri awhter ding in bia an khiah. Taxi mongtu Ko Nay Win a thihmi ruang ah Kyi Lin cu thong kum 20 le hriamnam ahmuh in thong kum 3 an chappiak chih.<\/p>\n

\"\"<\/a><\/p>\n

Hi kong a bawmtu hna ti in Zayar Phyo cu thong kum 5 le Aung Win Tun cu thong kum 3 tiah a dangdang cio in biakhiah an si.<\/p>\n

Ahmuh a can hnu kumhnih renglo chung zung auh le voi 100 renglo zung auh dih hnu ah atu bantuk in biakhiahnak an tuahpiak hna hi a si. Hi ahmuh kong ah meithal kahthiam U Kyi Lin telh in minung pali sualpuh an si i Aung Win Khaing tu cu a luat rih caah biaceih zung nih a tlizammi tiah an thanh.<\/p>\n

\"\"<\/a><\/p>\n

U Ko Ni cu 2017 kum January 29 ni ah Yangon International Airport ah meithal hmuahchih in an kah caah a thattu hna anhmuh (case) cu kum 2 leng an chek fel hnu hna ah atu bantuk in biakhiahnak an tuah hi a si.<\/p>\n

Hika ah U Kyi Lin te thihdan a petu Biaceihtu zik DVB nih bia an halnak video zoh le ngaih chap khawh a si.<