{"id":8262,"date":"2019-02-18T19:27:06","date_gmt":"2019-02-18T12:57:06","guid":{"rendered":"http:\/\/thechinlandpost.info\/?p=8262"},"modified":"2019-02-18T19:27:06","modified_gmt":"2019-02-18T12:57:06","slug":"nilen-nih-a-hmasabik-single-song-a-sakmi-mtv-he-aa-chuah-zau-lai","status":"publish","type":"post","link":"https:\/\/thechinlandpost.info\/?p=8262","title":{"rendered":"Nilen Nih A Hmasabik Single Song A Sakmi MTV He Aa Chuah Zau Lai"},"content":{"rendered":"

Tawk Tling Thang| 2019 February 18|<\/strong> <\/em>Myanmar Idol Top -5 tiang aa telmi Nilen Par Mawi @Nilen nih a hmasabik aa chuah ding mi single song \u201c\u1031\u1015\u103a\u102c\u1039\u1015\u102b\u1031\u1010\u102c\u1037\u201d Music Video cu tuzarh chung ah a thlah cang lai tiah theih a si.<\/p>\n

Nilen nih MTV he aa thlakmi Single Song \u201c\u1031\u1015\u103a\u102c\u1039\u1015\u102b\u1031\u1010\u102c\u1037…\u201d timi hla aa chuah ding mi kong ah The Chinland Post nih pehtlaihnak kan tuah i atu bantuk in a chim.<\/p>\n

\u201cAtu kaa chuah ding \u2018\u1031\u1015\u103a\u102c\u1039\u1015\u102b\u1031\u1010\u102c\u1037\u2019 timi hla hi Single Song a si, Hlaphel (Album) a si lo. Hi hla hi USA ummi December Thiam Mawi nih a phanmi a si i Keimah nih sakpiak ding ah bawm a ka hal caah ka sakmi a si. Hybird Workshop Studio ah kaa khumh i Music Produced hi Saya Okka Oo Tha nih a ka tuahpiak. Cun Vocal Coach a ka tuanpiaktu cu Tr. Tracy a si. Keimah duh in thimmi hla a silo. Hla tialtu nih bawmh a ka halmi a si caah zawnruahnak he ka cohlan vemi a si. Hla phan tu nih a ka pek kaa ah cun a hla hi kaa ziak tuk lo nan Saya Okka Oo Tha le Tr. Tracy nih music arrangement thate in an vun ka tuahpiak hnu ah kaa van i ziak deuh i ngaih nuam, Sak nuam te zong a si. Zuunhla a si bantuk in hla dai te a si. A hlei Kaa lunghmuih khunmi cu a Music Video hi a si. A ruang cu minung tampi thazaang chuah in kan buaipi mi a si caah kan re a thei khun. Asinain tu lio Kawlram minthang Director, Cameraman, Stylist, Hair & Makeup Artists, Starings pawl nih bia tak tein an ka bawmh caah kaa lung sii ngai ngai. Hi hla i Producer zong hi Hla phantu December Thiam Mawi thiamthiam a si.\u201d<\/p>\n

\"\"<\/a><\/p>\n

\u201cKeimah duhnak ahcun February 20 ni ah chuak kho seh ti ka duh. Asinain, Music Video lei edit tlawmte aa duh rih caah chim khawh cu a si rih lo. A chuah cangka keimah ka personal facebook account ah free in ka thlah te lai. Cucaah, atu te in follow tuah cia khawh zong ka si\u201d tiah a chimchap.<\/p>\n

Atu hi Nilen cu amah pumpak phanmi Kawl hla (own tune) Single Sing zong studio ah aa khumh cuahmah lio a si. Atu aa chuah ding mi \u201c\u1031\u1015\u103a\u102c\u1039\u1015\u102b\u1031\u1010\u102c\u1037\u201d a chuah dih hnu pi ah duhsah deuh in a chuak te lai tiah kan theih.<\/p>\n

\u00a0\u201cAtu keimah ka phanmi Kawl hla (own tune) hi cu duhsah in MTV he ka chuah te lai. Mitthli he keimah intuarmi ka phanmi a si caah ka si khawh chung biatak te caanpek in a tha bik si ding ah i zuam ka duh\u201d tiah The Chinland Post ah a chim.<\/p>\n

Nilen nih MTV in aa chuahmi single song \u201c\u1031\u1015\u103a\u102c\u1039\u1015\u102b\u1031\u1010\u102c\u1037\u201d timi hla cu tutan Hakha ah tuahdingmi Chin Miphun Ni ah a tumtu hna he an tlamtlin ahcun sak aa tim tiah kan theih.<\/p>\n

Nilen Parmawi cu January 25 (Kum 24 tlinnak) a birthday caah \u2018We Love Nilen\u2019 timi thapetu phu (fan group) minung 20 tluk nih tangka an ithawh i sing thong man a simi Motor dawhte Toyota Celica (Piangka) an cawkpiak tiah theih a si.<\/p>\n

\"\"<\/a><\/p>\n

February 20 zan Chin Miphun Ni, Hakha Vom Tu Maung certual ah Fiakfairock Band tawlrelnak in hlasatu ding hna cu; Nilen Par Mawi, Aa Thang Composer, Tawk Men, Biak Tha Cuai, Mercy, Van Siang Mang, Cung Hlei Lian le Fiakfairock band in hlasak thiam dangdang an si lai.<\/p>\n

Nilen Hi Myanmar Idol hlasak zuamnak ah Top-5 tiang a phanmi a si. Ngaknu Nilen Par Mawi cu Bachelor of Engineering of Electronic Communication (BE.EC) in Yangon ah sianginn a dih mi a si i Make Me Beautiful timi tamhmoih lei zuamnak zongah Myanmar Ram Pumpi huap in aa zuam i a thiambik pathum thimmi tiang aa telmi a si.<\/p>\n

Amah hi kum 24 a si i Senthang peng Dongva khuami Pu Hrang Vung le Pi Thluai Iang @Thote nih an ngeihmi fanu hniang bik a si. Nilen Par Mawi hi Eain Mat Sone Ya Season-9 i 1st Runner Up a rak hmu mi Nicholas Dawt Kam Sang a far nu a si. Hi bantuk in fim cawnnak lei zongah siseh, zungmawi thiamnak lei in siseh hlasaknak lei zong in siseh bochanmi a si i miphun dang hna lakah Chin miphun mithmai a kan ngeihtertu hlasak thiam pakhat a si. +++<\/p>\n","protected":false},"excerpt":{"rendered":"

Tawk Tling Thang| 2019 February 18| Myanmar Idol Top -5 tiang aa telmi Nilen Par…<\/p>\n","protected":false},"author":2,"featured_media":8263,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[9],"tags":[],"class_list":["post-8262","post","type-post","status-publish","format-standard","has-post-thumbnail","hentry","category-celebrity"],"_links":{"self":[{"href":"https:\/\/thechinlandpost.info\/index.php?rest_route=\/wp\/v2\/posts\/8262","targetHints":{"allow":["GET"]}}],"collection":[{"href":"https:\/\/thechinlandpost.info\/index.php?rest_route=\/wp\/v2\/posts"}],"about":[{"href":"https:\/\/thechinlandpost.info\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/thechinlandpost.info\/index.php?rest_route=\/wp\/v2\/users\/2"}],"replies":[{"embeddable":true,"href":"https:\/\/thechinlandpost.info\/index.php?rest_route=%2Fwp%2Fv2%2Fcomments&post=8262"}],"version-history":[{"count":1,"href":"https:\/\/thechinlandpost.info\/index.php?rest_route=\/wp\/v2\/posts\/8262\/revisions"}],"predecessor-version":[{"id":8266,"href":"https:\/\/thechinlandpost.info\/index.php?rest_route=\/wp\/v2\/posts\/8262\/revisions\/8266"}],"wp:featuredmedia":[{"embeddable":true,"href":"https:\/\/thechinlandpost.info\/index.php?rest_route=\/wp\/v2\/media\/8263"}],"wp:attachment":[{"href":"https:\/\/thechinlandpost.info\/index.php?rest_route=%2Fwp%2Fv2%2Fmedia&parent=8262"}],"wp:term":[{"taxonomy":"category","embeddable":true,"href":"https:\/\/thechinlandpost.info\/index.php?rest_route=%2Fwp%2Fv2%2Fcategories&post=8262"},{"taxonomy":"post_tag","embeddable":true,"href":"https:\/\/thechinlandpost.info\/index.php?rest_route=%2Fwp%2Fv2%2Ftags&post=8262"}],"curies":[{"name":"wp","href":"https:\/\/api.w.org\/{rel}","templated":true}]}}