{"id":8919,"date":"2019-03-13T15:56:02","date_gmt":"2019-03-13T09:26:02","guid":{"rendered":"http:\/\/thechinlandpost.info\/?p=8919"},"modified":"2019-03-13T15:56:53","modified_gmt":"2019-03-13T09:26:53","slug":"pu-zo-tum-hmung-rung-lian-ceu-hi-cyo-chin-person-of-the-year-2019-pek-ding-a-si","status":"publish","type":"post","link":"https:\/\/thechinlandpost.info\/?p=8919","title":{"rendered":"Pu Zo Tum Hmung; Rung Lian Ceu Hi CYO Chin Person of the Year 2019 Pek Ding A Si"},"content":{"rendered":"

Tawk Tling Thang| 2019 March 13|\u00a0<\/strong><\/em>Pu Zo Tum Hmung nih paihthiam, pathawng Rung Lian Ceu cu CYO Chin Person of the Year 2019 pek phu taktak a sinak kong a chim.<\/p>\n

Hi kong he pehtlai in Pu Zo Tum Hmung nih, \u201c Rung Lian Ceu cu CYO Chin Person of the Year 2019 pek phu taktak a si. Nagaland aa Paihmi Laksawng a hmuhmi chungin Rs. 60,000 cu CNF ah a pek. Miphun le ram dawtnak thinlung a ngeihnak (patriotism) a langhter. Hi bantuk lungput hi kan miphun nih tihal le rawltam in a herhmi lungput a si. Ramdang le Miphun dang Nagaland, India tiang a va kal zong uar a um. Nikum Hakha CND i aa paih dih in CYO Chin Person of the Year pek phu a si, ka rak ti cang\u201d tiah social media ah a langhter.<\/p>\n

\"\"<\/a> \"\"<\/a><\/p>\n

March 7 ah tuahmi Nagaland State Open Wrestling- minung 60 renglo zuamcawh paih zuamnak ah aa pai i pathumnak le paih dawh bik laksawng a co. March 7 ah tuahmi Naga paih zuamnak ah mizapi thapetu tambik a ngeitu le mizapi nih an uar bikmi a si. Aa paimi chung ah amah tluk in khuami nih hman aa thlakpimi an um lo.<\/p>\n

Naga paih zuamnak ah pathumnak laksawng Rs. 100,000 (Kyats 2,000,000 tluk) le paih dawh bik laksawng Rs. 10,000 (Kyats 200,000 tluk) laksawng a comi zong CNF\/A ah Rs. 60,000 (Kyats 1,200,000 tluk) a hlut. A taangmi vialte zong amah nih fangkhat hmanh i laak lo in midang a hlut dih hna.<\/p>\n

\"\"<\/a><\/p>\n

Pu Zo Tum Hmung nih nikum ah Rung Lian Ceu Chin Person of the Year pek awk aa tlaknak kong phun 7 in a rak langhter. Cu hna cu;<\/p>\n

    \n
  1. USA in kan khualipi Hakha ah a tlung. Mah lungput hi ka uar.<\/li>\n
  2. Aa paih lai paoh ah tha tein kut a tlaih hna. A tei hna tik zongah a tlaih than hna. Hihi lentecelh (sports) lungput cu a si.<\/li>\n
  3. A titsa hrimhrim zoh aa dawh (2013 kum aa paih lio tha tein ka zoh, Indianapolis ah).<\/li>\n
  4. Paih a thiam; a thawng fawn.<\/li>\n
  5. A mithmai a panh kho zungzal. A zohtu mizapi tha a damter.<\/li>\n
  6. Tukum Chin Miphun Ni cu amah thawng in a hlunghlai deuh; mizapi kan i nuam.<\/li>\n
  7. Paih chung a luh tik paoh ah thla a cam. Teinak a hmuh tik zongah thla a cam. Hi bantuk nun hi zohchunh awk tlak nun cu a si. Boxing thongh thiam minthang taktak Manny Pacquiao a lo tiah a langhter.<\/li>\n<\/ol>\n

    \"\"<\/a><\/p>\n

    Rung Lian Ceu hi voi 15 aa pai i voi 12 bual a co cangmi a si. Rung Lian Ceu cu Hakha peng, Chuncung khuami Pu Si Hmung le Pi Tum Zing fapa a si. A chuahpi unau pa pathum le nu pahnih an si. Rung Lian Ceu hi 1994 July 3, Chuncung khua ah a chuak. 2006 December 16 kum ah Malaysia a phan. 2007 September 13 ah USA a phan. Amah hi Taxes, Amarillo college pakhat ah Automotive Technology (Auto-Technician Engineering) a kaimi a si.<\/p>\n

    Hika ah Naga ah aa paihnak Lian Live nih a thlakmi video zoh khawh a si.\u00a0<\/strong><\/em><\/p>\n