{"id":9812,"date":"2019-05-07T11:04:02","date_gmt":"2019-05-07T04:34:02","guid":{"rendered":"http:\/\/thechinlandpost.info\/?p=9812"},"modified":"2019-05-07T23:16:05","modified_gmt":"2019-05-07T16:46:05","slug":"reuter-thawnglatu-pahnih-tel-in-thongtla-6520-luatdaihnak-pek-an-si","status":"publish","type":"post","link":"https:\/\/thechinlandpost.info\/?p=9812","title":{"rendered":"Reuters Thawnglatu Pahnih Tel In Thongtla 6,520 Thonginn In An Chuah Hna"},"content":{"rendered":"

TCP-Hakha| 2019 May 7|\u00a0<\/strong><\/em>Reuters thawnglatu pahnih telh in Myanmar ram thongtla 6520 cu rampi President U Win Myint nih May 7 ah sualnak ngaithiam in thonginn in luatnak a pek hna.<\/p>\n

Hi thongtla 6520 chuahmi ah Insein thong in a luatmi lakah Reuters thawnglatu Ko Lung Wah le Ko Kyaw Soe zong an i tel. President nih avoi 3nak thongtla a chuahmi ah lemcang thiam Moe Aung Yin zong aa tel ve.<\/p>\n

\"\"<\/a> \"\"<\/a><\/p>\n

Ko Wah Lung nih, \u201cAtu bantuk in kan chuah khawhnak ding ah a kapkip in a kan bawmtu, a kan tanpi, ramchung ramleng thapetu zapi cung ah kan i lawm\u201d tiah a chim.<\/p>\n

\"\"<\/a><\/p>\n

Myanmar kumthar philhlonak in siseh, mizapi thinlung damnak le zawnruahnak kha biapi chiahnak in siseh, rampi cozah nih remdaihnak rian a tuanmi a tluannak ding le miphun tunmernak ding bawmtu a sinak ding caah thongtla 6,520 cu ya-za-wat phung upadi pohmah 401- pohmah then (1) ning in zeihmanh rikhiahmi um lo in luatdaihnak pek an si tiah President zung nawlchuahmi ah an langhter.<\/p>\n

April 17 zong ah rammi thongtla 9,535 le ramdang mi thongtla 16 cu President nih a hmasabik luatdaihnak pek in a rak chuah bal cang hna. Cu pin ah April 26 ah thongtla 6,948 cu President nih avoi 2nak luatdaihnak a rak pek thiamthiam hna. A luancia April thla le May thla chung ah President nih voithum luatdaihnak pek in thongtla a chuahmi hna zapi hi 23,000 renglo an si cang i hi chung ah ramkhel thongla zong an i tel tiah theih a si.<\/p>\n