India Cozahpi Joint Secretary, Ministry of External Affairs le Central YLA Hruaitu Pawl Tonnak An Ngei
Salai Tenglam | 2024 September 13 — 12. Zing. 2024 ah khan India Cozahpi ah Ramleng lei pehtlaihnak tuanvo a la Tu B. Shyam, Joint Secretary, Ministry of External Affair, Govt of India le Central Young Lai Association hruaitu hna cu Aizawl khuapi Mizoram State Guest House ah tonnak an ngei.
Hi tonnak ah hin Lairam ( LADC) chung ah a kal mi Kaladan Multi Modal Transit Transport Project a kal cuahmah mi pin ah Zorinpui ( Zocachuah) Lairam ( LADC) ram chung ah a um mi ramdang he chawlehthalnak hmunpi kongkau hna an ceih.
B. Shyam, Joint Secretary nih cun KMMTTP Road cu a hlawhtlin hrimhrim a herhnak kong le cu a hlawhtlin khawhnak ding ah tuanpi ah a sawm hna i, Central YLA hruaitu lei zong nih Act East Policy cu a tha an tinak kong le thazaang an pek peng nak kong kha Joint Secretary sinah hin an chim, asinain tu i Ramdang he chawlehthalnak an tuah cuahmah ning bel hi zoh than sisehlaw Cozahpi nih ningcang deuh in kalphung tuah kho sehlaw ramdang he chawlehthalnak hi kalpi si kho seh tiah an saduhthah an chimh ve fawn i, Border Commercial Haat timhtuah mi hna zong a tuan lei ah hmalak nak um kho sehlaw tiah an duhnak hna tlunh in, India Cozah nih Border Fencing kalpi a timh mi zong thazaang an peknak kong an chimh fawn.
KMMTTP lam a si mi Lawngtlai le Zorinpui ( Zocachuah) kar lamchiat tuk ruangah harsatnak an ton mi kong zong chim in hi lam nih a tan mi ram ngeitu hna lak ah Compensation a dong rih lo mi hna sin zong ah a tuan nak in compensation pe ding in an nawl fawn.
B. Shyam, Joint Secretary, Ministry of External Affairs nih cun Central YLA nih nawlnak an tuah mi pawl hna cu a rannak in pehzulh an si lai nak kong le Hi Project hi a hlawhtlin hrimhrim a herhnak kong hna chim in Central YLA cu hi project a hlawhtlin khawhnak ding caah dirhmun poimawh ngai an dir nak kong zong a chim chih.
About The Author
