India Le Kawlram Hruaitu Nih Hmunkhat Riantuanti Ding An Lungtling

0

TCP-Online| 2018 January 26| Ramkomh ruahnakpetu Pi Suu Kyi cu India ram a phak lio a si, January 25 ni khan India Prime Minister Modi he India ram khualipi New Delhi ah an i tong i ramri kongah he pehtlai in kaphnih  riantuanti a herhnak kong le hmailei zongah tuanti peng dingin hnatlaknak an ngei.

An pahnih tonnak an tuah lio an i ruah/ceih cem mi cu; hmukhat ah kutlai in riantuanti ding, a dih rih lomi ramri kong  tawlrel ti ding, ramri humvennak kong ah biatakte riantuanti ding, ram hnih kar pehtlaihnak motor lam zong kaphnih nih tuahti ding, rami Gate pawl hun chap ding le Rakhine ramkulh buainak kong ah India nih bawmh a timhnak kong hna biaruahnak an ngei.

Pi Suu Kyi cu a luancia 2016 kum lio khan India ram ah ni 4 chung caam in a rak tlawng bal cang i tutan cu nihnih chung caam in a rak tlawnmi si. Nihnih chungah, a ni khatnak cu Asian hruaitu hna meeting  a kai i a ni hnihnak cu India ram Republic Day ah a hmanpi hna, India Prime Minister sawmnak thawng in.

Ref; VOA

About The Author

Na ruahning rak langhter ve.. (Leave a comment)

%d bloggers like this: