India lei ah a dormi Chin ralzaam an karh chin
The Chinland Post | 2022 August 24 – A luancia thla ah SAC ralkap nih Chin ramkulh Haimual khua an rak khangh i mino nih 2 telhin minung 5 an rak tlaih hna hnuin khuami 200 leng hrawng India ram ah an i dor chap tiah India ram media pawl nih an langhter.
Chin ramkulh ah SAC ralkap nih mipi pawl a hrem chin hna caah a za leng khuami hna cu himnak caah Mizoram ah an zaam.
Thlanglei Laitlang, Tedim peng khuate pakhat zong a tlawmbik inn 15 an rak khangh i kum 17 le kum 15 a simi unau hna zong an rak thah hna.
Northwest India lei ah ralzaam a tlawmbik 40,000 leng an um lai tiah UN OCHA nih a ruahdamh.
