India Miphun Minung 3 A Thattu hi CDF Chungtel Hlun A Si Kho Men Tiah India Palek Pawl Nih An Ruahdamh

0

The Chinland Post | 2023 March 28 — Chin ramkulh chung ah India minung 3 thahnak kong ah hin CDF chungtel hlun pawl an i tel kho men tiah India thawngzamh nih an langhter.

Thah hnu ah khangh a si mi ruak pawl kha Chin ramkulh chung ah an hmuh hna i ni 4 a rauh hnu ah India palek lei nih atu bantuk in an chim hi a si.

Thah a tong mi hna hi C Biaksuii (kum 48), Babalu Talukdar (kum 37) le Myanmar ram chung ah mawṭaw in a thlahtu B Lalthafamkima (kum 44) hna an si.

Thah a tong mi hna chung minung 2 cu AK-47 rifle zuun 6 cawkpiak ding in CDF chungtel hlun tiah ruahdamh mi pa 2 he Mizoram le Myanmar ramri Ainak khua ah a luancia February thla chung ah an lut tiah India palek tar mi charhchan in India Times nih a langhter.

Thah a tong mi hna 2 nih India rupees sing 5 an rak cohlan bel tiah thawng a chuak nain caan tlawmpal a rauh hnu ah repees 50,000 lawng a si tiah an kherhhlai khawh ṭhan caah tangka tlawmte ruang ah thah mi a si lai lo tiah an zumh caah palek nih an kherhhlai ṭhan.

Cu leng ah March 19 zinglei ah C Biaksuii le Bablu Talukdar a rak autu hna le hi pa a si i, mizaw kan phor lai tiah B Lalthafamkima he an pali ning in Myanmar ram ah an luh hi a si.

Palek lei nih cun thil sinning zoh tik ah mithattu hna hi ralkap caah rian a ṭuan mi CDF chungtel hlun asiloah Mizoram chung an pehtlaih mi minung hna he rem lo nak a um mi CDF buainak kha caanṭha a la mi Myanmar ramchung meithal a zuar mi pawl an si lai tiah an ruahdamh.

India minung 3 thahnak kong ah CDF chungtel hlun an i tel lai tiah puh mi kong he pehtlai in “A puh tu hna nih thah a tong mi pawl ruak an lak hna caah an puh mi a palh lo. Hi kong he pehtlai in kanmah zong bawmhnak kan hal mi a um. Thil sinning dik a chuah khawhnak hnga kan i zuam lio” tiah CNA biachimnak nawl a ngeitu Salai Htet Ni nih BBC ah a chim.

About The Author

Na ruahning rak langhter ve.. (Leave a comment)

%d bloggers like this: