India MP Pakhat Ngakchia Tlaihnak Nak AHmuh In Taza An Cuai

0

Salai Aung Aung| 2018 July 12| India cozah sihni pawl nih MP Kuldeep Singh Senger cu July 11 ah kum tlinglo ngakchia tlaihnaknak ahmuh in sualpuhnak an tuah. Kum 16 a si rih mi nu nih tlaihhrem a tonnak kong cu nikum khan report a rak tuah cang nain palek nih hma lak piak loin an rak daihthlanh.

Cu hnu ah ngakchia nu i a pa nih a fanu kong ah taza cuainak nawl a hmuh khawh nak hnga aa zuam nain amah tu cu palek nih an velh i a nunnak tiang a liam phah. Cu ti thil a si hnu ah ngakchia nu nih cun April thla ah khan an Chief Minister pa zung hmai ah amah mah mei i khanghnak in a duhlonak a langhter nak in ram pumpi in duhlonak langhternak tiang a chuak.

Cucun Chief Minister pa nih cu kong cu hlathlai ding in nawl a chuah i tu bantuk in hma an lak nak hi a si. A pa an velh le a thihnak kong ah MP pa i a naupa le a hawile pali cu kan hnu zarh ah khan taza an cuai cang hna tiah theih a si.

India ah hin palek sinah report tuah mi kumkhat ah tlaihhremnak a hmuh 40000 tluk a um.

Ref: RFA Burmese

About The Author

Na ruahning rak langhter ve.. (Leave a comment)

%d bloggers like this: