India-Myanmar Pehtlaihnak Rihkhawdar Lam Motor Lian Mi Luhchuah Khawh A Si Cang

Rih Khawdar

TCP-Thantlang|2019 November 5| India-Myanmar pehtlaihnak lam a si mi Tedim-Rihkhawdar kar lam cu an remh caah caan karlak motor lian mi an phih chung hna mi cu November 1 ni thok in an hun than cang tiah theih a si.

Hi lam cu zuan le kai lei a pahnih in lam hartuknak a si caah June thla lio in motor lian mi lutchuak lo dingin an rak phih cang mi a si. Cucaah an hringso le thilri dangdang zong rianrang tein khua a phak khawhnak hnga ding caah kan tawlrel i a tu  cu motor lian mi ke 12 ngei tiang tlukkal khawh a si cang tiah lamzung tuanvo ngeitu Director U Hla Min Thang nih a chim.

Kalay- Tedim-Rihkhawdar cu meng (khan) 80 tluk a si i atu bantuk in lam an kan hunpiak than caah motor lian mi caah a tlamtling ngai cang” tiah motor mawngtu U Myint Kyi nih a chim.

A lam a awng nain India cozah nih an ram chungah Kawlram chung thilri a bik in Kuvathei le kuak phurhtlunh a tuni tiang an phihkhar rih caah sumdawng cheu khat harnak an tong tiah kan theih. (Ref:The Voice)

 

Leave a Commnet

%d bloggers like this: