India-Myanmar ramri Ṭio tiva ralkap sakhaan in palik 4 mipi sin ah an i fonh
The Chinland Post | 2022 March 10 – Chin ramkulh, Falam peng, Rihkhawdar khua No.2 sang ah a ummi ralkap sakhaan in palik 4 cu March 6 ah hriam telh loin mipi hriamtlai sin ah an i fonh tiah thawng theih a si.
Mah pathum hna hi February 26 ah Falam in Rihkhawdar lei ah helicopter in ṭhialmi hna an si.
Falam in an chuah lio ah hriam an ngei rih lo nain Rihkhawdar ralkap sakhaan an phak ah hriam an pek hna.
Mipi hriamtlai phu hna he aa fonhmi hna cu Kam Deih Pau, Lal Tial Thang, Thang Cuan Mang le Tuan Pau Pian hna an si.
Mah le mah kahdoh kan duh lo caah tiin rian an fial hna lio ah mipi thuam in India ram lei ah an zaam hi a si. An chungkhar pawl le an mah he mipi hriamtlai phu nih himnak hmun ah an kuat cang hna tiah theih a si.
About The Author
