India ram ah aa dormi ralzaam 48,000 leng an si

The Chinland Post | 2022 October 20 – India, Mizoram ah a luancia September zarh donghnak lawng ah Myanmar lei in ralzaam 1,800 leng an i dor tiah UNHCR nih October 3 ah a rak thanh.

Cucaah atutiang ralzaam zapi 48,000 leng an um cang tiah UNHCR nih a thanh.

SAC ralkap le mipi hriamtlai phu hna karlak kahdohnak ruangah Chin ramkulh he aa tlaimi India, Mizoram ah Chin miphun tampi an i dor i voikhat ah tampi in rak luh si loin nifatin in ramri an rak lonh i an rak lut tiah Mizoram ralzaam bawmtu pawl nih an chim.

Institute of Chin Affairs zong nih atulio Mizoram ah ralzaam camp 30 deng a um i ralzaam 50,000 deng an um tiah a chim.

Ralzaam pawl hna nih eidin, sii-ai an i zat lo leng ah holh an i harh caah hngakchia pawl cacawn tikah harnak tampi an tong tiah ralzaam pawl nih an chim.

Cun khuasik a phanh cang lai caah puan le thil lum hna a herh tiah an chim.

Myanmar buainak ruangah India ram chungah Myanmar ralzaam pawl an phan chap khomi a si tiah UNHCR nih a langhter.

Na ruahning rak langhter ve.. (Leave a comment)

%d bloggers like this: