India Ram Kerala Ramkulh Tilian Nakin Minung 450 An Thi

TCP-Online| 2018 August 27| India ram chung Kerala ramkulh tilian nakin minung 450 an thi cang. Ti a tum hnu zarhpi ni khan a thimi ruak 28 an hmuh than caah an zapi ruak 450 char an si cang tiah India ram cozah nih a fehter.

Hiti tilian nakah hin minung nuai khat leng umnak ngei loin an um i atu tiang ah minung 15 an tlau rih. Ti a tum hnu in cozah lei nih biatakte in thianhhlimnak zong an tuah cuahmah lio a si.

Kerala ramkulh CM Pinarayi Vijayan nih cun “tilian nakin inn 130000 leng a siloah inn vialte cheu thum cheukhat cu cozah lei nih thianhlimnak kan tuah” tiah Twitter ah a tial.

Mah inn a thianh cangmi hna zong a rauh hlanah electric mei an pek khawh zau cang lai. Ti a tum hnu, a zor hnu zong ah hin rul an tam tuk caah cozah lei nih biatak tein ralrinnak an pek. Mah le inn ah rul hmuh si cun cozah sin thawng thanh zok ding le rul tlaih thiam lei zong a bu in an chiah hna.

Ti a tum hnu zongah mi ruak cu char rih peng a si caah hi hnu zongah ruak hmuh khawh rih a si te men lai ti zong an chim. Hiti tilian ruangah ah hin kum 68 putar pakhat cu a inn a zoh i a lungfah celh lo ah amahte in aa that. Kum 19 pa pakhat zong a cauk vialte ti nih a hrawh dih caah lungfah celh lo in amah te aa that than ti Kerala cozah lei nih phungningte in thawng fiannak an tuah.

Ref; VOA

Na ruahning rak langhter ve.. (Leave a comment)

%d bloggers like this: