India ram lei ah Chin ramkulh ralzaam phak a si rih

0

The Chinland Post | 2022 July 29 – Fur caan a si ko nain SAC ralkap le Chin hriamtlai phu pawl karlak ah kahdohnak a fah caah India ram lei ah a zaammi an um rih ko tiah UNHCR nih July thla chungah cathanh a chuah.

UNCHR cathanh ning ahcun, July thla chungah Chin ramkulh ralzaam 726 India ram lei ah an phan i cu ralzaam hna nih ruah khamhnak a herh tuk tiah a langhter.

UNCHR cazin ning ahcun, India ram chungah ralzaam 41,000 hrawng an um tiah a langhter nain a taktak ah ralzaam an tam deuh lai bawmhnak petu phu nih an chim.

Mizoram a phanmi ralzaam hna caah ralzaam ID Card zong Mizoram cozah nih an tuah piak hna i minung 30,000 leng chuah piak an si cang tiah Mizoram cozah nih a rak thanh.

Fur caan ah kahdohnak a dai tawn nain Chin ramkulh le Sagaing ramṭhen ahcun kahdohnak a fak rih ko.

About The Author

Na ruahning rak langhter ve.. (Leave a comment)

%d bloggers like this: