Indiana Laimi Chung In Van Duh Lian Nih A Hmasabik Athletic Scholarship A Hmuh

4

Tawk Tling Thang| 2019 February 8| US ram, Indiana i Chinmi vialte lak chung in tlangval Van Duh Lian nih Athletic Scholarship a hmasa bik a hmuh tiah kan theih.

Kan Chinmi chung in Perry High School ah a kai liomi tlangval Van Duh Lian (Khuabung khuami) nih Bethel College ah Athletic (Soccer) Scholarship a hmuh i February 7 ahkhan contract sign min a thut cang.

A scholarship nih sianginn kainak man (tuition fee) a pek dih lai i mah leng ah inn umnak caah zatuak 80% an bawmh rih lai.

Hika ah Van Duh Lian contract sign tuah lio le CCI president hlun Pu Van Ceu Uk nih biahalnak tawite a tuahmi video van ngaih khawh a si. 

Tukum chung ah a voikhatnak Indy kan Laimi chung in Athletic Scholarship a kan hmuhpiaktu Van Duh Lian nih contract sign a thut lio ah Chin Community of Indiana (CCI) President hlun Pu Van Ceu Uk le Vanmi Productions zong nih kan telpi khawh tiah Vanmi Productions nih a page ah a langhter.

Tlangval Van Duh Lian hi laitlang lei a khua cu Thantlang peng Khuabung a sì.

Video credit: Vanmi Production

Biakilh: Hi video cu Vanmi Production nih nawl onhnak in taarmi a si.

About The Author

4 thoughts on “Indiana Laimi Chung In Van Duh Lian Nih A Hmasabik Athletic Scholarship A Hmuh

  1. A tha tuk!! Chinland Post zg nih Salai Van Duh LIan he biaruah nak interview nan kan tuah piak kho bal ve lai maw? Hmaile a sianginn kai nak le bawlung chuih nak ding kong hna zong.

  2. Bawipa Tha tuk ee! kan laimi minung hi kan thancho lengmang ko ee. Zangfah nak in Chindland Post nih Salai Van Duh Lian he interview nan kan tuah piak kho bal lai ma?
    Salai Van Duh Lian facebook hi “VD Lian” tiin si

  3. Chinland Post nih interview kan tuah piak bal law tha tuk lai Salai Van Duh Lian he. Kan I lawm.

  4. Salai Van Duh Lian hi zeitin dah scholarship ngah ning si le zeitin dah thiam nak a hmuh ti hih thei kan duh ngai. ChinLand Post nih interview kan tuah biak bal hrim uh. Hakha le in a um mi kan si i U.S si ning tha te in kan i fiang lo ruang ah si.

Na ruahning rak langhter ve.. (Leave a comment)

%d bloggers like this: